सेञ्चुरी बैंकको ६.७५% लाभांश प्रस्ताव

२३ माघ, काठमाडौं । सेञ्चुरी कमर्सियल बैंकको आज बसेको सञ्चालक समितिले ६.७५ प्रतिशत लाभांश वितरण गर्ने निर्णय पारित गरेको छ ।

बैंकको ३०३ औं बैठकले २०७६ आषाढ मसान्तमा कायम चुक्ता पुँजी ८ अर्ब ४१ करोड ५४ लाख ७१ हजार ५७६.३० को २ प्रतिशतले हुन आउने रकम १६ करोड ८३ लाख ९ हजार ४२३.७० रुपैयाँको बोनश शेयर वितरण गर्ने र कुल चुक्ता पुँजी ८ अर्ब ४१ करोड ५४ लाख ७१ हजार ५७६.३० को ४.७५ प्रतिशतले हुन आउने रकम ३९ करोड ९७ लाख ३४ हजार ८९९.८७ रुपैयाँ नगद लाभांश (करसहित) वितरण गर्ने निर्णय गरेको हो ।

बैंकले प्रस्तावित र्आिर्थक वर्ष २०७५/७६ को वित्तिय विवरण, नाफा नोक्सानको विवरण र अन्य विवरण तथा अनुसूचीहरु प्रकाशन गर्ने तथा प्रस्तावित लाभांश स्वीकृतको लागि नेपाल राष्ट्र बैंकमा पेश गर्ने निर्णय पनि गरेको जनाएको छ ।