यी हुन नेपालका उत्कृष्ट निर्यातकर्ताहरु (सूचीसहित)

२४ माघ, काठमाडौं । सरकारले नेपालका उत्कृष्ट निर्यातकर्ताहरुलाई यही माघ २८ गते सम्मान गर्ने भएको छ । विगत दुई वर्षमा बढी निर्यात गर्ने, लगानी गर्ने र रोजगारमा योगदान दिने २५ जना उद्यमी व्यवसायीहरु सम्मानित हुने कार्यक्रम रहेको छ ।

प्रधानमन्त्री केपी शर्मा ओलीले सीआईपी लोगो, पदक, प्रमाणपत्र तथा परिचय पत्रसहित उनीहरुलाई सम्मान गर्ने भएको हो । उद्योग, वाणिज्य तथा आपूर्ति मन्त्रालयको निर्णय बमोजिम उनीहरु सम्मानित हुन लागेका हुन् । व्यापार तथा निकासी प्रवद्र्धन केन्द्रको वेभसाइटमा उक्त सूची उपलव्ध रहेको छ ।

तेश्रो मुलुकतर्फ निर्यात गर्ने उत्कृष्ट पाँचजना निर्यातकर्ता, भारत र चीनतर्फ निर्यात गर्ने उत्कृष्ट तीनतीन निर्यातकर्ता, नेपाल व्यापार एकीकृत रणनीति तर्फका वस्तुहरु निर्यात गर्ने दुई उत्कृष्ट निर्यातकर्ता, उत्कृष्ट महिला निर्यातकर्ता, उत्कृष्ट युवा निर्यातकर्ता ( एक पुरुष र एक महिला), सबैभन्दा बढी रोजगार प्रदान गर्ने एक जना, सबैभन्दा बढी पर्यटन भित्र्याउने होटल व्यवसायी एकजना, सबैभन्दा बढी विप्रेषण भित्र्याउने कम्पनी, मौलिक हस्तकलामा सामान निर्यात गर्ने एकजना, उत्कृष्ट सफ्टवेयर निर्यातमध्येबाट एकजना, निजी क्षेत्रका प्रतिनिधिमुलुक तीनवटा संस्थाका अध्यक्षहरु गरी कुल १३ वटा विधामा २५ जना उद्यमी व्यवसायीहरुलाई एक समारोहका बीच सम्मानित गर्न लागिएको व्यापार तथा निकासी प्रवद्र्धन केन्द्रको सूचनामा जनाइएको छ ।

पाठकवर्गको जानकारीका लागि यो सूची जस्ताको त्यस्तै यहाँ प्रकाशित गरिएको छ ।