अख्तियारले नेकपा नेताको संरक्षण गरेकोमा तरुण दलको विरोध प्रदर्शन

२६ माघ, काठमाडौं । अख्तियार दुरुपयोग अनुसन्धान आयोगको अन्यायपूर्ण व्यावहारको विरोध गर्दै आज बिहान नेपाली काँग्रेस सम्वद्ध भातृ संस्था तरुण दलले राजधानीमा प्रदर्शन गरेको छ ।

नेपाल विद्यार्थी संघको समेत संलग्नतामा आज बिहान माइती घरस्थित मण्डेलामा अख्तियार बिरुद्ध नाराबाजी गरियो ।
साथै वर्तमान के पी ओली सरकारले अख्तियारको दुरुपयोग गरी विपक्षी तर्साउने रणनीति बनाएको भन्दै चर्को नाराबाजी भएको छ ।

प्रदर्शनकारीहरुले अख्तियार सरकारको छायाँ बनेको र प्रतिपक्षी दलका नेताहरुलाई मात्र लक्षित गरेको आरोप लगाएका छन् । ‘कठै अख्तियार, नेकपा सामु लम्पसार’ लगायतका नाराहरु प्रदर्शनकारीहरुले लगाइरहेका छन् ।