पाम आयलको निर्यात खुल्यो,लाइसेन्स अनिवार्य

२६ माघ, काठमाडौं । भारतले नेपाली पाम आयलको निर्यात खुल्ला गरेको छ ।

शुक्रबार एक सूचना जारी गर्दै भारतीय वाणिज्य संघले यसअघि रोक्का गरिएको पाम आयलको आयात खुल्ला गरेको जनाएको छ । तर, अब हुने सम्पूर्ण आयातमा आयातकर्ताले अनिवार्य लाइसेन्स (अनुमतिपत्र) दिनुपर्ने भएको छ ।

यस अघिसम्म भारतले इन्डोनेसिया तथा मलेसियाबाट पनि ठूलो परिमाणमा पाम आयल आयात गरिरहेको थियो । तर अबदेखि नेपालबाट मात्रै पाम आयल आयात गर्ने नीति बनाएको बुझिएको छ ।

नेपालले मलेसिया इन्डोनेसिया लगायतकै देशहरुबाट कच्चा पदार्थ ल्याएर प्रशोधन गरेर पाम आयाल भारत निर्यात गर्दै आइरहेको छ । गत पुस २३ गते भारतले एकाएक नेपाली पाम आयलको आयालमा प्रतिवन्ध लगाएको थियो ।