अमेरिकाले कोरना फैलायाे, बुहानमा रहेका नेपालीलाई नेपाल ल्याउनु बुद्धिमानी हाेइन : नेता बिजुक्छे

२६, माघ, भक्तपुर । नेपाल मजदूर पार्टीका अध्यक्ष नारायणमान बिजुक्छेले चीनमा कोरना भाइरस फैलनुमा अमेरिकाको हात रहेको आरोप लगाएका छन् । नेपाल क्रान्तिकारी किसान संघ भक्तपुरको सातौं अधिवेशनको आज भक्तपुरमा उद्घाटन गर्दै भनेः– चीनसँग आर्थिक रुपमा प्रतिस्पर्धा गर्न नसक्ने अवस्था भएपछि अमेरिकाले भाइरस राजनीति गरेको हो ।

विश्व राजनीतिमा आफ्नो पकड कायम राख्न अमेरिकाले यस्तो काम गर्ने गरेको मलाई थाहा छ :– उनले भने अमेरिका चीनसँग स्वस्थ प्रतिस्पर्धा गर्ने अवस्थामा नरहेको पनि यसले पुष्टी गरेको छ । नेता बिजुक्छेले हाल चीनको बुहानमा रहेका नेपाली विद्यार्थीलाई नेपाल ल्याउनु बुद्धिमानी नहुने समेत बताए ।

नेपाल ल्याएपनि उनीहरुलाई काठमाडौं उपत्यकामा त राख्नै हुँदैन उनले भने – यहाँ छिटो संक्रमण फैलिने डर हुने भएकाले बाहिरै राखेर उपचार गर्नु पर्छ । सकेसम्म चीनमै राखेर उपचार गर्दा नेपाल विद्यार्थीको राम्रो उपचार र रेखदेख हुन सक्ने उनको भनाई थियो ।

उताबाट आउनेहरु कोही संक्रमित रहेछन् भने यहाँ उपचार गर्ने कुनै पद्धति नरहेको र उल्टो विरामीको ज्यान जोखिममा पर्ने भएकाले नेपाल ल्याउनु कुनै पनि अर्थमा राम्रो होइन :– नेता बिजुक्छेले भने ।