आईजीपीको टुंगो लगाउन दिउँसो मन्त्रिपरिषद बैठक

२७ माघ, काठमाडौं । आईजीपी सर्वेन्द्र खनालले ३० बर्षे सेवा हदका कारण भोलिदेखि अवकाश पाउने भएपछि नयाँ आईजीपी को बन्ने भन्ने टुंगो लगाउनको लागि आज दिउँसो मन्त्रीपरिषद बैठक बस्ने भएको छ । गत शनिबार दिउँसो मिर्गौलाको डायलासिस गरेपछि एकाएक अस्वस्थ महशुस गरेका प्रधानमन्त्री केपी शर्मा ओलीले आज दिउँसो ४ बजे मन्त्रिपरिषद बैठक डाकेको बालुवाटार स्रोतले बतायो ।

अबको आईजीपीका को होलान् भन्ने अड्कलबाजी भइरहेका बेला डिआइजीद्वय ठाकुर ज्ञवाली र तारणिप्रसाद लम्सालको नाम अग्रस्थानमा रहेको छ । अवकाश हुन लागेका आईजीपी, एआईजीपी र डीआईजीपीहरुले ३० बर्षे प्रावधान हटाउने लबिङ तीव्र बनाएपनि त्यसलाई कसरी सम्बोधन गर्ने भनेर अझै प्रष्ट हुन सकिरहेकाे भने छैन ।