कोरोना भाइरस संक्रमणबारे बताउने मोबाइल एप्स, प्रयोगकर्तालाई संक्रमणको जोखिम कति छ भन्नेबारे बताउने

२८ माघ एजेन्सी । चीनले कोरोना भाइरसबाट संक्रमण हुने अवस्था रहे, नरहेकोबारे जानकारी दिने ‘क्लोज कन्ट्याक्ट डिटेक्टर’ नामक मोबाइल एप्स बनाएको छ ।

प्रयोगकर्तालाई कोरोना भाइरस संक्रमणको जोखिम कति छ भन्नेबारे उक्त एप्सले बताउने छ । संक्रमणको जोखिम भएको मान्छेलाई घरमै आराम गर्न वा अवस्था अनुसार स्वास्थ्य अधिकारीकहाँ जान एप्सले सुझाव दिने बताइएको छ ।

जेखिमबारे जाँच गर्न प्रयोगकर्ताले मोबाइलमा क्युआर कोड स्क्यान गर्नुपर्ने हुन्छ । सुरुमा नयाँ एप्स रजिस्टर गरेपछि यसले प्रयोगकर्ताबाट नाम र आइडी नम्बर माग्ने छ । रजिस्टर भएका प्रत्येक नम्बरका आधारमा अन्य तीन आइडी पनि एप्पले आफै जाँच्ने छ ।

यो एप्सबाट एउटै कक्षामा पढ्ने, एउटै कार्यालयमा काम गर्ने र एउटै घरमा बस्ने मानिसमा संक्रमणको जोखिम छ छैन भन्ने जानकारी दिनेछ ।