संस्थाले कारबाही गर्नु भन्दा पहिले एक पद छोड्न एनआरएनको आग्रह

२९ माघ काठमाडौं । कुनैपनि राजनैतिक दलको वा त्यसको भातृ संगठनको कार्यकारी पदमा बसेको ब्यक्ति एनआरएनको कार्यसमितिमा बस्न नपाउने भएको छ ।

मंगलबार महासचिवले एक विज्ञप्ति जारी गदै राजनैतिक दल वा त्यसको भातृ संगठनमा रहेर एनआरएनको कार्यकारी पदमा रहेका सदस्यहरुलाई एक पद छोड्न आग्रह गरिएको छ । विज्ञप्तिमा भनिएको छ, दुबै ठाँउको कार्यकारी पदमा बस्न बिधानत नमिल्ने हुदाँ संस्थाले कारबाही गर्नु भन्दा पहिले एउटा पद छोड्न आग्रह गरिएको छ । २५ फेब्रुअरी भित्र पद छाडेको प्रमाण पठाउन भन्दै त्यसपछि संस्थाले कारबाहीको प्रक्रिया अगाडि बढाउने जनाइएको छ ।

संस्थामा यो नियम पहिलेदेखि भएको र यो कुनै नयाँ नियम नभएको गैर आवासिय नेपाली संद्दका प्रवक्ता डीबी क्षेत्रीले नेपालबहसलाई जनाकारी दिए । कुराकानीकै क्रममा उनले भने हरेक बर्ष लागु हुदै आएको यो नियम हाल आएर चर्चाको बिषय बनेको उनको तर्क थियो ।