इटाली पठाइदिन्छु भन्दै ठगी गर्ने नवलपरासी पश्चिम बर्दघाटका दुईजना पक्राउ

२९ माघ काठमाडौं । इटाली पठाइदिन्छु भन्दै ठगी गर्ने नवलपरासी पश्चिम प्रतापपुर गाउँपालिका ३, बरगदवाका २३ वर्षीय कृष्ण चौधरी र नवलपरासी पश्चिम बर्दघाट नगरपालिका ५, बन्डाघोलाका २४ वर्षीय हिमाल चौधरी पक्राउ परेका छन् ।

महानगरीय अपराध महाशाखाका अनुसार उनीहरूले पर्वतका दिनेश पौडेललाई इटाली पठाइदिने भन्दै ६ लाख रुपैयाँ ठगेका थिए । उनीहरूले आफूलाई ‘रिलाइफ एजुकेसन एन्ड कन्सटेन्सी’को सञ्चालक बताएका थिए । महाशाखाको टोलीले कृष्णलाई कीर्तिपुर र हिमाललाई बालाजुबाट पक्राउ गरेको हो ।

रकम लिएर विदेशसमेत नपठाएको र सम्पर्कविहीन भएपछि पौडेलले प्रहरीमा जाहेरी दिएका थिए ।