यतीसँग सती गएको सरकारको जवाफ चाहियो : सांसद डा.डिला संग्रौला

२९ माघ काठमाडौं । प्रमुख प्रतिपक्षी नेपाली कांग्रेसकी सांसद डा डिला संग्रौला पन्तले यती होलिडङ्स ग्रुपलाई राज्यको सम्पत्ति जिम्मा लगाउनुको कारण माग गरेकी छन् । बुधबार प्रतिनिधिसभा बैठकको विशेष समयमा बोल्दै संग्रौलाले यतीसँग सरकार सती जानुको कारण माग गरेकी हुन् ।

सरकारले एउटा व्यापारिक समूहलाई राज्यको सारा सम्पत्ति जिम्मा लगाउनुको अन्तर्य के हो, प्रधानमन्त्रीसँग यसको जवाफ माग गर्दछु,’ उनले भनिन्, ‘गोकर्ण, ताहचल, दरबारमार्गको दुई हजार सात सय ९९ रोपनी जग्गा यतिलाई किन दिइएको छ । प्रधानमन्त्रीको जवाफ दिनुपर्छ ।