सल्यानमा सेनाको गाडी दुर्घटना : एकको मृत्यु, ६ जना घाइते

२९ माघ सल्यान । सल्यानको चोरखालामा नेपाली सेनाको गाडी दुर्घटनामा हुँदा एक जनाको मृत्यु भएको छ भने ६ जना घाइते भएका छन ।

कपुरकोट गाउँपालिका वडा नम्वर ३ चोरखोलामा सेनाको लु १ ग १२३ नम्वरको गाडी दुर्घटनाग्रस्त हुँदा मृत्यु हुनेमा नेपाली सेनाका जवान २९ वर्षीय यादवराज ढरेल रहेको प्रहरीले जनाएको छ । दुर्घटनामा परेको गाढी गाडी सबुज गणको रहेको प्रहरीले जनाएको छ ।

दुर्घटनामा परी घाइते हुनेमा मेजर ईश्वर सिलवाल ,जवान रोशन हिटन, हवल्दार जय प्रकाश बोहोरा, मोहन बहादुर थापा, विशाल गुरुङ, विपिन श्रेष्ठ छन् । घाइतेको राप्ती प्रादेशिक अस्पताल तुलसीपुरमा ६ जनाको उपचार भइरहेको प्रहरी निरीक्षक हरिहरनाथ योगीले जानकारी दिए