प्रेस युनियन हुम्लाको अध्यक्षमा राज शाही सर्बसम्मत चयन

१ फागुन सिमकोट । नेपाल प्रेस युनियनको तेस्रो जिल्ला अधिवेसनले राज शाहीको अध्यक्षतामा नौ सदस्यीय नयाँ जिल्ला कार्य समिति सर्बसम्मत रुपमा चयन गरेको छ ।

दुई दिनसम्म चलेको युनियनको जिल्ला अधिवेशने नयाँ नेतृत्व पाएको हो । शाही अध्यक्ष रहेको समितिको उपाध्यक्षमा छपाल लामा, सचिवमा रत्न भण्डारी, कोषाध्यक्षमा अजय बस्नेत, सहसचिवमा लोग भण्डारी सर्वसम्मत चयन भएका छन् ।

त्यसै गरि सदस्यमा श्यामजोर ऐडी, दलसरा परियार, जनक शाही, श्यामजोर लामा चयन भएका छन् । प्रेस युनियनको आगामी चैत्र २१ र २२ गते नेपालगंजमा हुने केन्द्रीय अधिवेशनका लागि १५ जना प्रतिनिधिहरु पनि चयन गरेको युनियनका नयाँ निर्वाचित अध्यक्ष शाहीले बताए ।

त्यसै गरि अधिवेशनले प्रदेश प्रतिनिधिहरु पनि चयन गरेको छ । युनियनको जिल्ला अधिवेशन घोषणा कार्यक्रमको अध्यक्षता निवर्तमान अध्यक्ष राजन रावतले गरेका थिए ।