दुर्गा प्रसाईं प्रहरीको सम्पर्कमा

१ फागुन काठमाडौं । मानहानिको मुद्दामा फरार रहेका बी एन्ड सी अस्पताल झापाका सञ्चालक दुर्गा प्रसाईं बिहीबार बिहान सुटुक्क जिल्ला प्रशासन कार्यालय भक्तपुरमा हाजिर भएका छन्।

प्रसाईंले गत पुस २३ गते पत्रकार सम्मेलन गरेर आफ्नो मेडिकल कलेजलाई सम्बन्धन दिन चिकित्सा शिक्षा आयोगका उपाध्यक्ष श्रीकृष्ण गिरीले २० करोड रुपैयाँ घुस अथवा १० प्रतिशत सेयर मागेको आरोप लगाएका थिए । उनको आरोपविरुद्धमा अयोगका उपाध्यक्ष गिरीले भक्तपुर जिल्ला अदालतमा मानहानिको मुद्दा दायर गरेका थिए । अदालतले उनलाई पक्राउ गरी अनुसन्धान अगाडि बढाउन आदेश दिए लगत्तै प्रसाईं फरार रहँदै आएका थिए ।