निगमको बिमान बुहान जाँदै

१ फागुन काठमाडौं । चौतर्फी दबाबपछि सरकारले चीनको बुहानमा रहेका नेपाली विद्यार्थीको उद्धार गर्न पर्सि शनिबार नेपाल बायु सेवा निगम मो वाइड बडी बिमान त्यसतर्फ पठाउने भएको छ ।  यसका लागि आवश्यक तयारी भइसकेको निगम स्रोतले बताएको छ ।

पर्सि शनिबार ३ बजेका लागि बिमान बुहान उड्दै छ – स्रोतले भन्यो, नेपाली सेनाका चार जना चिकित्सकसहित बिमान जाँदै छ ।  शनिबार राति पुग्ने जहाजले लगत्तै आवश्यक स्वास्थ परीक्षण गरी बुहानबाट सबै नेपालीको उद्धार गर्ने छ – स्रोतको भनाई छ । बुहान जाने टोलीमा तीन जना पाइलटका साथै क्याबिन क्रु मेम्बर , फ्लाइट डिस्प्याचर र लोडर रहने छन् ।

निर्धारित कार्यक्रम अनुसार बुहानबाट शनिबार राति नै जहाजले काठमाडौंका लागि उडान भर्ने छ । आइतबार बिहान ३ बजेतिर जहाज त्रिभुवन अन्तराष्ट्रिय विमानस्थलमा अवतरण गर्ने छ । बिमानमा आएका विद्यार्थीलाई सोझै सरकारले तयार गरेको विभिन्न चारवटा सेल्टरमा क्वारेण्टाइन गरिने भएको छ ।