बजारले प्रतिरोध क्षेत्रलाई तोड्न कुन कुराले रोकिरहेको छ ?

१ फाल्गुण, काठमाडौं । साताको अन्तिम कारोवार दिन नेप्से परिसूचकमा सामान्य अंकको गिरावट देखिएको छ । हिजो सामान्य अंकले वृद्धि भएको बजारमा आज भने १ दशमलव ३९ अंकको गिरावट देखिएकाे छ । आज ३७ लाख २० हजार कित्ता शेयर खरीदबिक्री भएकोमा कारोवार रकम भने हिजो भन्दा आज वृद्धि हुँदै १ अर्ब ७७ करोड पुगेको छ ।

समस्त बजार घटेपनि लघुवित्त र बीमा कम्पनीमा भने लगानीकर्ताको आकर्षण कायम रहेकै छ । बजारमा वाणिज्य बैंकमा बिक्री चाप आएको केही दिन देखिको तथ्यांकले देखाउछ । वाणिज्य बैंकमा आएको बिक्री चापले गर्दा बजारलाई प्रतिरोध क्षेत्र तोड्न गाह्रो परेको देखिन्छ ।  

आज ट्रेडिङ्ग उपसुचकमा २ दशमलव ९६ प्रतिशतको वृद्धि हुँदा होटल उपसुचकमा सर्वाधिक एक दशमलव ६१ प्रतिशतको गिरावट आएको छ । बजारलाई मुख्य ड्राईभ गर्ने वाणिज्य बैंकको उपसुचकमा आज पनि गिरावट आएको छ । लघुवित्त उपसुचकमा वृद्धि हुने क्रम आज पनि जारी रह्यो ।

बजार १३४६ दशमलव ४५ को विन्दुमा खुलेकोमा १३५४ दशमलव ८८को उच्च विन्दुसम्म पुगेको थियो । बजारले ११ बजेर ३४ मिनेटमा उच्च विन्दु समातेको थियो । त्यस्तै बजारको न्यून विन्दु २ बजेर ५७ मिनेटमा थियो । बजारले आज १३४२ दशमलव ९० को न्यून विन्दु समातेको थियो ।

आजको ईण्ट्राडे चार्ट हेर्दा बजारले त्यति सकारात्मक प्रवृत्ति बनाएको छैन । कारोबारको पहिलो समयमा बढेको बजार अन्तिम समयमा विक्रेताको चाप रहेको छ । आजको मैनबत्तीले कारोबारको पछिल्लो समयमा विक्रेताको चाप रहेको जानकारी गराएको छ ।

आज सर्वाधिक कारोवार हुने, कमाउने र गुमाउने कम्पनीहरु :

प्राविधिक बिश्लेषण :

मुख्य प्रतिरोध : १३५० देखि १३६० पहिलो टेवा : १३३०

• नेप्सेले आज पनि १३५० देखि १३६० को मुख्य अवरोध क्षेत्रलाई सामना गरेको छ। कारोबारको पहिलो समयमा बढेको बजार अन्तिम समयमा विक्रेताको चाप रहेको छ।
• आजको मैनबत्तीले कारोबारको पछिल्लो समयमा विक्रेताको चाप रहेको जानकारी गराएको छ।
• दैनिकी अवधिमा “आरएसआई” ६५ दशमलब ६३ को बिन्दुमा छ। बजारको प्रवृत्ति हेरेर आरएसआई अक्सिलेटर सामान्य रहेको छ।
• “एडिएक्स” तथा जोड र बेजोड “डाइरेक्सनल इन्डेक्स”हरु सामान्य रहेको छ।
• “अन ब्यालेन्स भल्यूम” ले आज बजारमा विक्रेताको चाप रहेको जनाएको छ।
• नेप्से बढेमा मुख्य प्रतिरोध १३५० देखि १३६० को क्षेत्रमा पाउने देखिन्छ र घटेमा पहिलो टेवा १३३० को क्षेत्रमा पाउने देखिन्छ।