बालकुमारीबाट लागुऔषधसहित एक जना पक्राउ

नेपालबहस संवाददाता

फागुन १, २०७६ शुक्रबार ४:४३:३१

१ फागुन ललितपुर । महानगरीय प्रहरी प्रभाग पुल्चोकबाट खटिएको प्रहरी टोलीले लागुऔषधसहित १ जनालाई पक्राउ गरेको छ ।

प्रहरीले ललितपुर महानगरपालिका ९ बालकुमारीबाट भारत घर भई हाल भक्तपुर बस्ने मोहमद सजहिललाई लागुऔषध नुफिन, डाईजेपाम र फेनरागन गरी ५ सय ९४ एम्पुलसहित बरामद गरेको छ ।

यसै गरी महानगरीय प्रहरी प्रभाग इमाडोलबाट खटिएको प्रहरी टोलीले लागुऔषधसहित सोही ठाउँका इच्छाराम राउतलाई ट्रमा ७ सय ५० ट्याबलेट र ८ ट्याबलेट पेन किलर सहित नियन्त्रणमा लिएको छ । घटना सम्बन्धमा प्रहरीले अनुसन्धान गरिरहेको छ ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप