खाडा बस्तीमा आगलागीबाट जलेका घर पुनःनिर्माण सम्पन्न

४ फागुन काठमाडौं । गत वर्षको पुस ८ गते राति भएको आगलागीबाट जलेको खाडा बस्तीका २६ घरको पुनःनिर्माण सम्पन्न भएका छन् ।

प्रदेश सरकार र विभिन्न स्थानीय तहको सहयोगमा २६ घर पुनःनिर्माण गर्ने काम सम्पन्न भएको गाउँपालिकाका अध्यक्ष लक्ष्मण बमले जानकारी दिए।

आगलागीले खरानी भएको खाडामा भूकम्प प्रतिरोधी घर बनेपछि खाडाका स्थानीय खुसी भएका छन् । आगलागीले खरानी भएको खाडा वस्तीको स्वरुप नै बदलिएको छ । आपूmहरुले छिमेकीको घरमा आश्रय लिएर एक वर्ष बिताएपछि अव नमूना घरमा बस्न पाउने भएकाले निकै खुसी लागेको स्थानीयवासी विष्णुऋषी न्यौपानेले बताए।

गाउँपालिका अध्यक्ष बमले प्रदेश सरकारको सहयोगमा बनेका २६ वटा नमूना घर निर्माण सम्पन्न भएर जनयुद्ध दिवसका अवसर पारेर पीडितलाई हस्तान्तरण गरिएको बताए । उनले खाडामा जलेका ३२ घरमध्ये छ जनाको परिवार तराइतिर बसाई सरेर गएकाले २६ वटा परिवारको लागि मात्र घर निर्माण गरिएको उनको भनाइ छ । खाडामा नमूना बस्ती निर्माणका लागि गाँउपालिकाको निर्माण कार्यदलमा आवद्ध १०० जना युवा र अन्य क्षेत्रबाट ३० जना मिस्त्री लगाएर बस्ती पुनःनिर्माणको काम पूरा गरेको अध्यक्ष बमले बताए ।