भोली नेपाल बन्द

६ फागुन, काठमाडौं । अहिले सामाजिक संजालहरुमा भोली नेपाल बन्द भन्दै एउटा फोटो भाइरल बनेको छ । दैनिक दिनचर्यामा व्यस्त हुने नेपालीहरु एकाएक नेपाल बन्दको खबर सुनेर एकआपसमा जिज्ञासा राख्न थालेका छन् ।

लामो समयको द्वन्दपछि लोकतान्त्रिक पद्धतिबाट गणतन्त्र अंगालेको नेपालमा विकासको बहार आउने ठुलै सपना नेताहरुले देखाएका थिए । आजका नेतृत्वले सोही कारण नै जनमत प्राप्त गरि सत्तामा असिन छन् । तर नेतृत्वको कार्यले जनसमर्थन नपाएको सत्ताधारी पार्टीकै कार्यकारी अध्यक्षले सार्वजनिक गरेका छन् ।

एमसीसी सम्झौता, भारतीय विस्तारवादले गरेको राष्ट्रियता माथिको हस्तक्षेप, चर्को महंगी, भ्रष्टाचार, बालुवाटार जग्गा काण्ड, गिरफ्तार नेता कार्यकर्ताको रिहाइ र निरंकुशता विरुद्ध भन्दै फेरि नेपाल बन्दको आह्वान भएको छ ।

आजैको नेतृत्वले हिजोका दिनमा अब नेपालीले कहिल्यै पनि आन्दोलन र बन्दको मारमा पर्नु नपर्ने भाषण हजारौँ पटक गरेका थिए । तर, भाषण गरेजस्तो व्यवहार नभएपछि आजको नेतृत्व विरुद्ध नेपाल कम्युनिष्ट पार्टी माओवादी केन्द्रीय समितिले नेपाल बन्द आयाेजना गरेकाे हाे ।