दोश्रो बजारमा आज नाफा बुक हुँदा दैनिक बजार बिश्लेषणले के देखाउँछ ?

६ फाल्गुण, काठमाडाैं । आज दोश्रो बजारमा केही  ट्रेडरहरुले नाफा बुक गरेको प्रस्ट देखियो । बजारमा सामान्य अंकको वृद्धिसँगै कारोवार रकम  २ अर्ब १२ करोड पुगेको छ । दोश्रो बजारमा १ दशमलव ७७ अंकको वृद्धि देखिएको छ । नेप्से परिसुचक शुन्य दशमलव १३ प्रतिशतले वृद्धि हुँदै १४०० दशमलव ०१ को विन्दुमा बन्द भएको छ ।

आज सबैभन्दा धेरै म्युचुअल फण्ड उपसुचकमा वृद्धि देखिएको थियो । म्युचुअल फण्ड उपसुचकमा १ दशमलव ९६ प्रतिशतको वृद्धि देखिएको छ । त्यस्तै वाणिज्य बैंकको उपसुचकमा शुन्य दशमलव ६३ प्रतिशतको वृद्धि देखिएको छ । आज होटल उपसुचकमा सर्वाधिक १ दशमलव ७१ प्रतिशतको गिरावट देखिएको छ।

आज शेयरबजारले ११ बजेर १२ मिनेटमा १४१६ दशमलव ८८ को उच्च विन्दु समातेको थियो भने २ बजेर ३९ मिनेटमा १३८७ दशमलव ६९ को न्यून विन्दु समातेको थियो।  बजार बीचमा केही घटेपनि बजार १४०० मनोवैज्ञानिक टेवा भन्दा माथि बन्द भएको छ।

आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

पहिलो प्रतिरोध: १४०६ पहिलो टेवा: १३८७

• नेप्सेले १३६० को मुख्य प्रतिरोधलाई तोडेपछि बजार बढेको छ। आज बजारमा खरिदकर्ता र विक्रीकर्ता दुबैको चाप रहेको देखिन्छ।
• आजको बजारले “डोजी” मैनबत्तीको चित्र बनाएको छ। यसले बजारमा लगानीकर्ता अन्योल रहेको जानकारी गराउँदछ ।
• दैनिकी अवधिमा “आरएसआई” ७५ दशमलब ७० को बिन्दुमा छ। यो अक्सिलेटरले बजारमा शेयर बढी खरिद हुन थालेको जनाएको छ।
• “एडिएक्स” सामान्य रहेको छ भने जोड र बेजोड “डाइरेक्सनल इन्डेक्स”हरुले बजारमा खरिदकर्ताको चाप रहेको जानकारी गरेको छ।
• “अन ब्यालेन्स भल्यूम” र बजारको प्रवृत्ति सकारात्मक रहेको जनाएको छ। नेप्से बढेमा पहिलो प्रतिरोध १४०६ को क्षेत्रमा पाउने देखिन्छ र घटेमा पहिलो टेवा १३८७ को क्षेत्रमा पाउने देखिन्छ।