बाँस्कोटाको राजीनामालाई लिएर ओली र प्रचण्डबीच भेटवार्ता

८ फाल्गुण, काठमाडौं । घुस बार्गेनिङ गरेको अडियो सार्वजनिक भएपछि बाँस्कोटालाई मन्त्री पदबाट हटाउने बिषयमा प्रधानमन्त्री केपी ओली र नेकपा अध्यक्ष पुष्पकमल दाहाल प्रचण्डबीच भेटवार्ता भएको छ ।

सूचना तथा सञ्चार प्रविधिमन्त्री बाँस्कोटाले सेक्युरिटी प्रिन्टीङ प्रेसको खरिदमा ७० करोड कमिसनका लागि सेटिङ गरेको अडियो सार्वजनिक भएसँगै उनको राजिनामाको माग गरिएको छ ।

उपत्यका बाहिर रहेका बाँस्कोटा आज काठमाडौं फर्किए लगतै नियमित हुने पत्रकार सम्मेलनमा सरिक हुनेछन् । आज हुने पत्रकार सम्मेनलपछि उनको राजिनामा आउने आकंलन गरिएको छ ।

यस बिषयमा प्रधानमन्त्री केपी ओलीलाई डेढ महिना पहिले जानकारी भएपनि यस बिषयलाई गुपचाप बनाउन लागि परेको प्रधानमन्त्रीलाई आरोप लागेको छ ।

प्रधानमन्त्री ओलीका धर्मपुत्र मानिने बाँस्कोटा उनको निजी निवास बाल्कोटमा बस्दै आएका छन् ।