मौसम खराबीका कारण हवाई उडान अवतरण प्रभावित

९ फागुन काठमाडौं । पश्चिमी न्युन चापिय प्रणालीको प्रभावले अहिले देशेभर मौसमी बदली भएको छ । जल तथा मौसम पूर्वानुमानका अनुसार अहिले देशै सामान्य बदलीको अवस्था छ भने पश्चिमका केही स्थानहरुमा हल्का वर्षा भैरहेको छ।

यता मौसममा आएको खराबीका कारण त्रिभुवन अन्तर्राष्ट्रिय विमानस्थलमा हवाई उडान अवतरण प्रभावित बनेको छ ।नेपाली सेना दिवसको अवसरमा भीभीआइपी हवाई प्रदर्शन गर्ने तयारी गरिएको थियो । तर, मौसमका कारण समस्या भएको जनाइएको छ ।

विमानस्थलका एक अधिकारीका अनुसार, अहिले भिजिविलिटी कम भएकाले उडान प्रभावित भएको हो । उडानका लागि आवश्यक भिजिविलिटी २५ सय भएपनि अब ५ सय भयो भने उडान सुरु हुने विमानस्थलले जनाएको छ । विमानस्थलका अनुसार अन्तर्राष्ट्रिय उडानहरु पनि होल्डमा रहेका छन् ।