एमसीसी अनुमोदन नगर्न कार्यदलको सुझाव

९ फागुन काठमाडौं । नेपाल कम्युनिस्ट पार्टी (नेकपा) ले मिलेनियम च्यालेञ्ज कर्पोरेशन (एसीसी) को अध्ययन गर्न गठित कार्यदलले आफ्नो प्रतिवेदन शुक्रबार साँझ प्रधानमन्त्री निवास बालुवाटार पुगेर नेकपाका अध्यक्षद्वयलाई बुझाएको छ।

झलनाथ खनाल संयोजक तथा सदस्यहरु भीम रावल र प्रदिप ज्ञवालीको कार्यदलले यथास्थितिमा एमसीसी संसदबाट पारित गर्न नहुने सुझाव दिइएको छ । कार्यदलको सुझावमा एमसीसीमा समेटिएका केही बुँदाहरु संशोधन गरेरमात्रै अनुमोदन गर्नुपर्ने उल्लेख छ।

माघ १५ देखि १९ गतेसम्म बसेको नेकपाको केन्द्रीय कमिटी बैठकले एसीसीबारे अध्ययन गर्न सो कार्यदल बनाएको थियो। दस दिनको समयसीमा तोकेर बनाइएको कार्यदलले समयमै प्रतिवेदन बुझाउन नसकेपछि अर्को दस दिन थपिएको थियो।