सुनको मूल्य अहिलेसम्मकै उच्च : तोलाको ८० हजार

१२ फागुन काठमाडौं । निरन्तर उकालो लागेको सुनको मूल्य अहिलेसम्मकै उच्च भएको छ । नेपाल सुनचाँदी ब्यवसायी महासंघका अनुसार नेपाली बजारमा सुनको भाउले नयाँ रेकड बनाउदै तोलाको ८० हजार नाघेको छ ।

सोमबार तोलामा १५ सय रुपैयाँ बढेर ८० हजार ३ सय रुपैयाँ पुगेको नेपाल सुनचाँदी ब्यवसायी महासंघले जनाएको छ । यो अहिलेसम्मकै उच्च भाउ हो ।

चीनलगायतका देशमा कोरोना भाइरस फैलिएपछि सुनमा लगानीकर्ताको आकर्षण बढ्दा भाउ आकासिएको व्यवसायीहरुले बताएका छन् । यस्तै चाँदी आज ५ रुपैयाँ बढेर तोलाको ९ सय २५ रुपैयाँ पुगेको छ ।