बजारमा बुल सेन्टिमेन्ट कायमै, इण्ट्राडे हाईमा बन्द भएको बजारलाई कसरी हेर्ने ?

१४ फागुन, काठमाडाैं । आज पनि दोश्रो बजारमा बुल कायमै रहेको छ । साताको चौथो कारोवार दिन शेयर बजारले ५० अंकमाथि वृद्धि हासिल गर्दै दोश्रो बजार १५९६ दशमलव १३ को विन्दुमा बन्द भएको छ । दोश्रो बजार नेपाल स्टक एक्सचेन्जमा ३ दशमलव ३० प्रतिशतको वृद्धि देखिएसंगै कारोवार रकम ४ अर्बमाथि पुगेको छ । आज ९९ लाख ६ हजार कित्ता शेयर खरिदबिक्री हुँदा ४ अर्ब १५ करोडको शेयर किनबेच भएको छ।

आज सम्पूर्ण उपसुचकमा वृद्धि देखिएको छ । बजारलाई ड्राईभ गर्ने वाणिज्य बैंकको उपसुचकमा ३ दशमलव ८६ प्रतिशतको वृद्धि देखिएको छ । आज जीवन बीमा उपसुचकमा सर्वाधिक ६ दशमलव १२ प्रतिशतको वृद्धि देखिएको छ ।

आज बजार खुलेबाट नै घट्न मानेको थिएन । आज बजारको न्यून विन्दु र खुला विन्दु एउटै रहेको छ । आज बजारले अन्तिम समय अर्थात बजार बन्द हुँदा उच्च विन्दु समातेको थियो । यस्तो प्रवृत्तिलाई सकारात्मक रुपमा लिन सकिन्छ । त्यस्तै आजको बजारको वृद्धिलाई कारोवार रकमले पनि साथ दिएको छ ।

हेरौं आज सर्वाधिक कारोवार हुने, कमाउने र गुमाउने कम्पनीहरु :

प्राविधिक विस्लेषण :

पहिलो प्रतिरोध : १६०० पहिलो टेवा : १५९०

• बजार आज बढ्दो प्रवृत्तिमा रहेको छ ।
• आजको मैनबत्तीले “बुलिस मारुबोजु” को चित्र बनाएको छ । यसले बजारमा अर्को दिन पनि बजार बढ्न सक्ने जानकारी गराउँदछ । कारोबार रकमले पनि खरिदकर्ताको चाप रहेको जानकारी गराएको छ ।
• दैनिकी अवधिमा “आरएसआई” ८९ दशमलब ९८ को बिन्दुमा छ । यो अक्सिलेटरले बजारमा शेयर बढी खरिद भएको जानकारी गराएको छ भने बजार सच्चिई हाल्ने देखिन्दैन ।
• “एडिएक्स” तथा जोड-बिजोड “डाइरेक्सनल इन्डेक्स”हरुले बजारमा खरिदकर्ताको चाप रहेको  जानकारी गरेको छ ।
• “अन ब्यालेन्स भल्यूम” र बजारको प्रवृत्ति सकारात्मक रहेको जनाएको छ ।
• नेप्से बढेमा पहिलो प्रतिरोध १६०० को क्षेत्रमा पाउने देखिन्छ र घटेमा पहिलो टेवा १५९० को क्षेत्रमा पाउने देखिन्छ ।

ङादीकाे १० प्रतिशत नगद लाभांश

ङादी ग्रुप पावरको लाभांश आजसम्म शेयर कायम भएका लगानीकर्ताले पाउने छन् । २०७६ फागुन १४ गतेसम्म कायम शेयरधनीले कम्पनीले आ.व. २०७५-७६का लागि दिन लागेको १० प्रतिशत नगद लाभांश पाउने भएका हुन् । साधारणसभा प्रयोजनको लागि कम्पनीले भोली (फागुन १५ गते) बुक क्लोज गर्ने जानकारी गराएको छ । दोस्रो बजार बन्द हुँदा आज १४९ रुपैयाँमा कारोबार भएको सो कम्पनीले हकप्रद र बोनश शेयरलाई भन्दा नगद लाभांशलाई प्रथामिकताका साथ वितरण गर्दै आएको छ ।

लुम्बिनी जनरलकाे लिलाम बिक्री खुल्ला
लुम्बिनी जनरल इन्सुरेन्सकम्पनी लिमिटेडले आजबाट लिलाम बिक्री खुल्ला गरेको छ । सर्वसाधारण समूहको ९९ हजार ७२६ कित्ता शेयर न्यूनतम १०० रुपैयाँमा लिलाम बढाबढ हुने गरी बिक्री खुला गरेको कम्पनीले जनाएको छ ।

कम्पनीको शेयर खरिद गर्न चाहने व्यक्ति, कम्पनी, संघ, संस्थाहरुले फागुन २१ गतेसम्म शिलबन्दी बोलपत्र पेश गर्न सक्नेछन् । इन्स्योरेन्सले गत कात्तिक २४ गतेदेखि मंसिर २९ गतेसम्म २० प्रतिशत हकप्रद शेयर निष्काशन तथा बिक्री खुल्ला गरेको थियो ।

बिक्री प्रबन्धकमा सीबीआइएल क्यापिटल रहेको छ । साथै सिटिजन्स बैंकका विराटनगर, बीरगंज, हेटौंडा, पोखरा, बुटवल, सुर्खेत र धनगढी शाखाबाट आवेदन दिन सकिने कम्पनीले जनाएको छ ।