फेयर ट्रेड ग्रुपसँग मन्त्रालय सहकार्य गर्न तयार छ : मन्त्री गुरुङ

१४ फागुन, काठमाडौं । स्वच्छ व्यवसायी समुह नेपाल (फेयर ट्रेड ग्रुप) ले बुधबार काठमाडौमा एक सेमिनार सम्पन्न गरेको छ ।

महिला बालबालिका तथा जेष्ठ नागरिक मन्त्री पार्वत गुरुङको प्रमुख आतिथ्यमा सम्पन्न कार्यक्रममा बस्तुगत संघका प्रतिनिधि बिभिन्न क्षेत्रका व्यवसायीहरुको उपस्थिति रहेको थियो ।

बिशेष गरि महिला र अशक्त नागरिकको हितमा काम गर्दै आएको यस संस्थासँग सरकार एवम् आफ्नो मन्त्रालय सहकार्य गर्न गरेर अगाडि बढ्न चाहेको मन्त्री गुरुङले बताए । नेपालको अर्थतन्त्रको पिलरको रूपमा रहदै आएको व्यवसायी क्षेत्रमा सरकार सहकार्य गर्न तयार छ मन्त्री गुरुङको भनाइ थियो ।

सरकारले ल्याएको नीतिका कारण केही व्यवसायीहरुमा निरासा पैदा गरेको सरकारले महसुल गरेको भन्दै हामी नितान्त नयाँ बाटोमा हिडेको हुँदा केही असजिलो भएको हुन सक्न तर ती असजिला क्षेत्रमा पनि सरकारले सम्बोधन गर्ने भन्दै व्यवसायीहरुलाइ नआत्तिन मन्त्री गुरुङले आग्रह गरे । हालका अर्थ मन्त्री अर्थको क्षेत्रमा बिज्ञ भएको हुँदा व्यवसायीहरु हत्तोसाहित नहुन मन्त्री गुरुङको आग्रह थियो ।

हामीले महिलाहरुलाई बोल्न सिकायौ अब गरिखाने बनाउनुपर्छ भन्दै महिलाको हितमा हुने कार्यक्रम आफू र आफ्नो मन्त्रालय सहकार्य गर्न तयार रहेको मन्त्री गुरुङको भनाइ थियो ।

महिलाहरुलाई सिप सिकाएर सक्षम बनाउने उदेश्यका साथ नेपालमा सुरु भएको यस संस्थाले हाल गैर नाफा मुलक क्षेत्रमा काम गर्दै आएको संस्थाका अध्यक्ष चित्रबहादुर केसीले बताए । कार्यक्रममा स्वागत मन्तव्य राख्दै केसीले सबै गैरसरकारी संस्थालाई एउटै दर्जामा राखेर नहेर्न सरकारलाई आग्रह गरे। बिदेशी डलरमा चल्ने संस्था र नितान्त नेपाली उत्पादन लाई प्रोत्साहन गर्दै न्यूनआय भएकाहरुलाई आर्थिक रूपमा सबल बनाउन लागेका संस्थाहरुलाई एउटै नजरबाट नहेर्न उनले आग्रह गरे।

नितान्त गैर नाफामुलक अथवा सेवामूलक व्यवसायीको क्षेत्रम देशका ३० भन्दा बढी जिल्लाहरुका दश हजार भन्दा बढी न्यून आयस्तर भएका उत्पादकहरुलाई प्रत्यक्ष रोजगारी प्रदान गर्दै र ४५ हजार भन्दा बढीलाई अप्रत्यक्षरुपमा फाईदा पुर्याई उत्तर अमेरिका, युरोप तथा एसिया प्रशान्त क्षेत्रका २५ भन्दा बढी देशहरुमा हस्तकला, कृषि खाद्य तथा गैरकाष्ठ वनपैदावर उत्पादनहरु निर्यात गर्दै देशको आर्थिक विकासमा टेवा पुर्याउदै आएको संस्थाले जनाएको छ ।