नेप्से १६०० कट्दा लगानीकर्ताले अब के कुरामा ध्यान दिने ? हेरौं आजको बजार विश्लेषण

१५ फागुन, काठमाडाैं । वाणिज्य बैंकको शेयरमा आक्रामक रुपमा खरिकर्ताले शेयर खरिद गर्दा दोश्रो बजारमा आज पनि बुल कायमै रहेको छ । साताको अन्तिम कारोवार दिन शेयर बजारले ३६ दशमलव ०५ अंक वृद्धि हासिल गर्दै दोश्रो बजार १६३२ दशमलव १७ को विन्दुमा बन्द भएको छ ।

नेप्सेमा २ दशमलव २६ प्रतिशतको वृद्धि देखिएसंगै कारोवार रकम ४ अर्बमाथि पुगेको छ । आज १ करोड ८ लाख कित्ता शेयर खरिदबिक्री हुँदा ४ अर्ब ४६ करोडको शेयर किनबेच भएको छ। नेप्सेको ईतिहासमा आज कारोवार रकमले ईतिहास ताेड्दै नयाँ इतिहास बनाएको छ ।

बजारमा अण्डर भ्यालूड भनिएको वाणिज्य बैंकमा लगानीकर्ताहरुले आक्रामक रुपमा शेयर खरिद गर्नु सकारात्मक रहे पनि अहिलेको बुल र्याली निकै आक्रामक भएको कारणले गर्दा लगानीकर्ताले केही सजक भएर राम्रा-राम्रा कम्पनीमा लगानी गर्नुपर्ने देखिन्छ । शेयर बजारका जानकारका अनुसार बुल बजारमा राम्रा-राम्रा कम्पनीको शेयर खरिद अथवा होल्ड गर्नुपर्ने र आफुसँग भएका आधारभूत हिसाबले कमजोर कम्पनीहरु बेच्दै जानु पर्ने देखिन्छ ।

बजार सधैं बढ्दैन र सधैं घट्दैन पनि । त्यसैले बजार जति सकारात्मक भएपनि लगानीकर्ताले आफ्नो पोर्टफोलियोलाई सधैं बलियो राख्नु पर्ने देखिन्छ । अहिलेको बजारमा अनलाईन कारोवार प्रणाली आएसँगै कारोवार रकम वृद्धि भएको र विदेशमा बस्ने नेपालीको पनि अहिलेको दोश्रो बजारमा सजिलै पहुँच पुगेको देखिन्छ, जसले बजारमा शेयरको माग वृद्धि भएको देखिन्छ ।

बजारमा धेरै नयाँ लगानीकर्ता प्रवेश गर्ने र फस्ने पनि दोश्रो बजार अत्याधिक वृद्धि भएको बेला हो । त्यसैले कम्पनीको आधारभूत पक्ष हेरेर राम्रा-राम्रा अण्डर भ्यालूड कम्पनीहरु छान्नु पर्ने देखिन्छ । साथीभाईले शेयर बजारबाट कमाईसके म चाहीँ छुटे भनेर आत्तिएर अन्धाधुन्ध शेयर बजारमा प्रवेश गर्नु हुदैन ।

आज वाणिज्य बैंक, विकास बैंक र उत्पादन तथा प्रसोधन उपसुचकमामात्र वृद्धि देखिएको छ । बजारलाई ड्राईभ गर्ने वाणिज्य बैंकको उपसुचकमा सर्वाधिक ६ दशमलव १४ प्रतिशतको वृद्धि देखिएको छ । आज ट्रेडिङ्ग उपसुचकमा सर्वाधिक ४ दशमलव ८८ प्रतिशतको गिरावट देखिएको छ । त्यस्तै आजको बजारको वृद्धिलाई कारोवार रकमले पनि साथ दिएको छ । कारोवार रकमले आज ईतिहास बनाएको छ ।

१ बजे नेप्सेले उच्च विन्दु समातेको थियो । आज बजारको उच्च विन्दु १६३५ दशमलव ५१ रहेको छ । त्यस्तै आज बजारको न्यून विन्दु ११ बजेर ८ मिनेटमा १५५७ दशमलव ६८ थियो । बजारमा अन्तिम समयमा आक्रामक रुपमा खरिदकर्ताको प्रवेश हुँदा बजारमा बुलिस प्रवृत्ति देखिएको छ ।  

हेरौं आज सर्वाधिक कारोवार हुने, कमाउने र गुमाउने कम्पनीहरु :

प्राविधिक विश्लेषण:

पहिलो प्रतिरोध : १६३५ पहिलो टेवा : १६१०

• शेयर कारोबार खुलेको पहिलो आधा घण्टामा बजारमा उतारचढाब देखिएको थियो,  त्यसपछि बजार पुन बढ्दो प्रवृत्तिमा रहेको छ ।
• आजको मैनबत्तीले कारोबारले पछिल्लो समयमा खरिदकर्ता चाप रहेको जानकारी गराएको छ ।
• दैनिकी अवधिमा “आरएसआई” ९१ दशमलब १९ को बिन्दुमा छ । यो अक्सिलेटरले बजारमा शेयर बढी खरिद भएको जानकारी गराएको छ भने बजार सच्चिई हाल्ने जानकारी हालसम्म दिएको देखिदैन् ।
• “एडिएक्स” तथा जोड -बिजोड “डाइरेक्सनल इन्डेक्स”हरुले बजारमा खरिदकर्ताको चाप रहेको  जानकारी गरेको छ ।
• “अन ब्यालेन्स भल्यूम” र बजारको प्रवृत्ति सकारात्मक रहेको जनाएको छ ।
• नेप्से बढेमा पहिलो प्रतिरोध १६३५ को क्षेत्रमा पाउने देखिन्छ र घटेमा पहिलो टेवा १६१० को क्षेत्रमा पाउने देखिन्छ ।

बजार गतिविधि

१ः१ अनुपातमा सिभिलले हकप्रद जारी गर्ने

सिभिल लघुवित्त वित्तीय संस्थाले १ः१ बराबर हकप्रद शेयर बिक्री गर्न धितोपत्र वोर्डबाट अनुमति पाएको छ । हाल कायम रहेको ११ लाख ४१ हजार १४० कित्ता शेयर बराबर हकप्रद निष्काशन गर्न धितोपत्र बोर्डले अनुमति दिएको छ । हकप्रदमा बिक्री प्रबन्धक सेञ्चुरी क्यापिटललाई तोकिएको छ ।

तर केयर रेटिङ नेपालले भने कम्पनीको समग्र अवस्ता सन्तोषजनक नभएको जनाएको छ । सही कारण  ‘केयर एनपी ग्रेड ४’ रेटिङ दिएको छ । यो भन्नले अहिले लघुवित्त जेनतेन बजार धानिरहेको भन्ने अर्थ राख्छ ।

सहयोगीको लाभांश राष्ट्र बैंकबाट स्वीकृत

सहयोगी विकास बैंकको बोर्डबाट स्वीकृत भएको लाभांश संसोधन गरी वितरण गर्न नेपाल राष्ट्र बैंकले अनुमति दिएको छ । सहयोगीले यसअघि १९.३ प्रतिशत नगद लाभांश वितरण गर्ने घोषणा गरेको थियो । तर राष्ट्र बैंकले १८.७२१५ प्रतिशत मात्र वितरण गर्न अुनमति दिएको छ ।

अपीको हकप्रदमाथि फेरि हकप्रद

अपी पावर कम्पनीले बोनस र हकप्रद शेयरपछि कायम चुक्ता पुँजीबाट फेरि ९१ प्रतिशत हकप्रद शेयर ल्याउने विशेष प्रस्ताव पेश गर्ने भएको छ । त्यसैका लागि १६औं वार्षिक साधारण सभा आगामी चैत्र ७ गते बोलाएको छ ।

साधारण सभाका लागि अपीले आगामी चैत १ गतेदेखि ७ गतेसम्म बुक क्लोज गर्दैछ । फागुन ३० गतेसम्म कायम शेयरधनीले बोनस शेयर पाउने छन् । कम्पनीले आर्थिक वर्ष २०७५–७६ को नाफाबाट ५ प्रतिशत बोनस शेयर पनि वितरण गर्ने जनाइसकेको छ । बैठक कार्की ब्यांकेट बबरमहलमा बिहान १० बजे सुरु हुने जानकारी दिइएको छ । केही दिन अघि मात्रै कम्पनीलाई नेपाल धितोपत्र बोर्डले ४७ प्रतिशत हकप्रद ल्याउन अनुमति दिएको थियो ।

सोही बैठकले आर्थिक वर्ष २०७६–७७ का लागि लेखापरीक्षक नियुक्त गरी पारिश्रमिक निर्धारण गर्ने जनाइएको छ । हकप्रदबाट प्राप्त रकम कम्पनीले निर्माण गरिरहेको ४० मेगावाट क्षमताको माथिल्लो चमेलिया जलविद्युत आयोजनामा थप लगानी गर्ने प्रस्ताव पनि गरेको छ ।

नेप्सेले हिजाे जारी गरेकाे विज्ञप्ति

नेपाल स्टक एक्सचेन्ज नेप्सेले अनलाईन प्रणाली लागूगरे पछि शेयर बजारमा कारोबार रकमले नयाँ उचाई नै ब्रेक गरिरहेका छ ।  रेकर्ड तोडिएपछि हिजाे नेप्सेले विज्ञप्ति निकालेको थियाे ।