पहिरोको ढिस्कोमा परि १ जनाको मृत्यु ४ जना घाईते

 १५ फागुन,डडेल्धुरा। डडेल्धुराको नवदुर्गा गाँउपालिका वडा नं. २ को वेडपानीमा पहिरोको डिस्कोमा परि एकजनाको मृत्यु भएको छ । बिहीबार दिउसो अमरघाट झोलुङ्गे पुलको फाउण्डेसनको काम गर्ने क्रममा माथिबाट आएको पहिरोमा परि सोही ठाँउका ६६ बर्षिय डम्मरे लुहारको मृत्यु भएको जिल्ला प्रहरी कार्यालय डडेल्धुराले जनाएको छ ।

पहिरोमा परि चारजना घाईते भएका छन् । घाईतेहरुमा सोही ठाँउका ५० बर्षिय पतीराम भट्ट, ६६ बर्षिय टेक बहादुर साँउद, ४५ बर्षिय शिवराज भट्ट र ७० बर्षिय टिकाराम भट्ट रहेका छन् । घाईतेहरुको डडेल्धुरा अस्पतालमा उपचार भईरहेको छ । झोलुङ्गे पुलको फाउण्डेसन तयार गर्नका खाडल खन्ने क्रममा माथीबाट ढुङ्गा सहितको पहिरोको ढिस्को खसेको स्थानियले जनाएका छन् ।