प्राविधिक कलेज सञ्चालन गरिने

१९ फागुन काठमाडौं । तिलोत्तमा नगरपालिकाले प्राविधिक कलेज सञ्चालन गर्ने भएको छ । पहिलो चरणमा स्नातक तहमा सूचना प्रविधिसँग सम्बन्धित बिएस्सी सिएसआइटीको अध्यापन हुनेगरी नगरपालिकाले कलेज सञ्चालन गर्न थालेको हो ।

वडा नं १४ को सुपौलीमा निर्माण हुन लागेको प्राविधिक कलेज भवनको शिलान्यास गर्दै नगरप्रमुख वासुदेव घिमिरेले प्राविधिक शिक्षामा सबैको पहुँच पु¥याउने गरीे कलेज सञ्चालन गर्न लागिएको बताए । कलेजको सम्बन्धनका लागि त्रिभुवन विश्वविद्यालयमा फाइल पेश गरिसकेको जानकारी दिँदै उनले सम्बन्धन पाए आगामी शैक्षिक सत्रबाट कक्षा सञ्चालन हुने जनाए ।

भवनको लागत अनुमान रु पाँच करोड १७ लाख रहेकामा कालीगण्डकी निर्माण कम्पनीले रु तीन करोड ७७ लाखमा ठेक्का पाएको नगरपालिकाका योजनाप्रमुख प्रदीप वनले जानकारी दिए । एल आकारमा तीन तलमा निर्माण हुने भवनमा २४ कोठा रहने गरी भवन डिजाइन गरिएको छ ।

एक वर्षमा निर्माणसम्पन्न गर्नेगरी ठेकेदार कम्पनीले निर्माण अघि बढाएको छ । साबिक नर्मदेश्वर प्राविको समेत भौतिक संरचना भएकाले सम्बन्धन पाए आगामी शैक्षिक सत्रबाट कक्षा सञ्चालन गर्न सकिने नगरपालिकाको भनाइ छ । कलेज निर्माणमा नगरपालिकाको रु दुई करोड र प्रदेश सरकारको समपुरकबाट रु दुई करोडको व्यवस्था मिलाइएको छ ।