अत्यावश्यकबाहेक विमानस्थल नआउनुस् : प्राधिकरण

१९ फागुन काठमाडौं । त्रिभुवन अन्तर्राष्ट्रिय विमानस्थल नागरिक उड्ययन कार्यालयले अत्यावश्यकबाहेक विमानस्थलमा नआउन सार्वजनिक आह्वान गरेको छ।

कार्यालयका महाप्रबन्धक देवेन्द्र केसीले विज्ञप्ति जारी गर्दै कोरोनाभाइरस (कोभिड–१९) को संक्रमणबाट सुरक्षित रहनका लागि विभिन्न सतर्कताहरु अपनाइएकोमा अहिले उक्त संक्रमण फैलिन सक्ने सम्भावना देखिएको र डब्लुएचओले पनि नेपाललाई जोखिममा राखेकाले अत्यावश्यक बाहेक विमानस्थलमा प्रवेश नगर्न आग्रह गरेका छन् ।

आफन्तजनलगायतको स्वागत तथा विदाईमा अत्यावश्यकबाहेक नआउन विमानस्थलको आग्रह गरिएको छ । विमानस्थल प्रशासनले तत्कालका लागि भिजिटिङ पास पनि बन्द गरिएको भन्दै विमानस्थल आउन अत्यावश्यक परे मास्क लगाउन आग्रह गरेको छ।