ढालाले लागेर मजदुरको मृत्यु

२२ फागुन काठमाडौं । तनहुँको शुक्लागण्डकी नगरपालिका–४ दुलेगौडामा मिनी ट्रकको ढालाले लागेर एक मजदुरको आज मृत्यु भएको छ ।

मृत्यु हुनेमा सोही वडाको बेसरीगैँडा घर भई रिमाल हार्डवेयरमा काम गर्ने ३५ वर्षीय केशव नेपाली रहेको इलाका प्रहरी कार्यालय बेलचौताराले जनाएको छ ।

ग१क ४९१२ नंको मिनी ट्रक पछाडि ल्याउने क्रममा ढालाले लागेर घाइते भएका नेपालीको पोखरास्थित मणिपाल शिक्षण अस्पतालमा मृत्यु भएको इलाका प्रहरी कार्यालय बेलचौताराका प्रहरी निरीक्षक जगदीश रेग्मीले जानकारी दिए । मिनी ट्रक र चालक प्रहरी नियन्त्रणमा छन् ।