एनआरएनए अध्यक्षलाई कालो झण्डा देखाईयो, बेलायतकाे आर्थिक घोटला छानविनकाे माग

भोला लामिछाने

२३ फागुन, यूरोप । गैह्र आवासीय नेपाली संघ बेलायतको स्थापना दिवसमा भागलिन गएका एनआरएनए केन्द्रीय अध्यक्ष कुमार पन्तलाई बेलायतमा कालो झण्डा देखाईएको छ । स्थापना दिवस मनाईरहदा एनआरएनएका अध्यक्षलाई कालो झन्डा देखाएको हो ।

“अध्यक्षलाई नै औपचारिक कार्यक्रममा कालो झण्डा देखाईनु हाम्रो बाध्यता हो, एनआरएन बेलायतमा चुनाव देखी नै विभिन्न बदमासी र आर्थिक घोटलाका कार्यहरू प्रत्यक्ष देखेको र यसको समाधान गर्नुको साटो झन् झन् संस्थालाई एकलौटी हिसाबमा अगाडि बढाउन खेजियो ।” एनआरएन बेलायतका अध्यक्ष पुनम गुरूङको भनाइ थियो । मन परेका आफ्ना व्यक्तिहरूलाई नियुक्ति गर्नुका साथै नियुक्ति प्रक्रिया पुरा नगरेको भन्दै कालो झण्डा देखाएर बिरोध गरिएको उनको भनाइ थियो । चर्को नाराबाजीमा उत्रेका सहभागीहरुले “चुनावका बेलामा सदस्य बनाउन हामी सबै चाहिने, यतिबेला हाम्रा कुरा नसुन्ने” भन्दै आरोप समेत लगाएका थिए ।

निबर्तमान कार्यसमितिले करीब चार लाख पाउन्डको हिसाब किताब नबुझाउदा र निर्वाचन पनि पारदर्शी नहुँदा सर्बसाधारणले छानबिनको माग गरिरहेका छन् ।