कोरोना भाईरस नियन्त्रणको लागि हेल्थ डेस्क

२७ फागुन बर्दिया ।  समुदाय प्रहरी साझेदारी कार्यक्रम अन्तर्गत बर्दियाको सिमा नाकामा पनि कोरोना भाईरस नियन्त्रणको लागि हेल्थ डेस्क स्थापना गरिएको छ ।

बढैयाताल गाउँपालिकाको आयोजना र जिल्ला प्रहरी कार्यालयको सहकार्यमा बढैयाताल गाउँपालिकाका अध्यक्ष लाल बहादुर श्रेष्ठ तथा प्रमुख जिल्ला अधिकारी प्रेमलाल लामिछानेको प्रमुख आतिथ्यता एवं अन्य जनप्रतिनीधीहरु सहभागितामा हेल्थ डेस्कको स्थापना गरिएको छ ।

जिल्ला प्रहरी कार्यालयका प्रमुख प्र.उ.राजेशनाथ बास्तोला, ३१ नं.गण हे.क्वा.गुलरिया बर्दियाका स.प्र.उ.यादव विश्वकर्मा, ई.प्र.का.मैनापोखर बर्दियाका प्र.नि.हिम बहादुर खत्रीसमेतको उपस्थितिमा जिल्ला बर्दिया बढैयाताल गा.पा.वडा नं.८ पुरानो कण्ठपुरमा हेल्थ डेस्क राखिएको प्रहरीले जानकारी दिएको छ ।

कोरोना भाईरस नियन्त्रणको लागि हेल्थ डेस्कमा स्वास्थ्यकर्मी सहितको टोली राखी भारतबाट आउने ब्यक्तिहरुको स्वास्थ्य परिक्षण गर्ने गरिएको जिल्ला प्रहरी कार्यालय बर्दियाका प्रहरी नायव उपरीक्षक योगेन्द्र कुमार खड्काले बताए ।