कोरोनाका कारण अमेरिकामा ३१ को मृत्यु, चीन, इटली, इरानमा भयावह

२८ फागुन, काठमाडौं । नेपाली समय अनुसरा आज बिहान १०ः४० सम्म संसारभर कोरोना अर्थात कोभेट १९ को कारण मृत्य हुनेको संख्या ४२९९ पुगेको छ । एक लाख १९ हजार दुई सय १७ जनामा कोरोना संक्रमण देखिएको छ । जसमध्ये ६६ हजार पाँच सय ६३ जनालाई भने क्वारेन्टाइनको बसाइपछि निको भएको छ ।

प्राप्त जानकारी अनुसार चीनमा आज नयाँ २२ जना, दक्षिण कोरियामा १, अमेरीकामा १, पानामामा १ गरी २५ जनाको मृत्यु भइसकेको छ । चीनमा मात्र कोरोनाको कारण ३१५८ जनाको मृत्यु भइसकेको छ । त्यस्तै इटालिमा ६३१, इरानमा २९१, दक्षिण कोरियामा ६१, फ्रान्समा ३३, स्पेनमा ३६, जर्मनीमा २, अमेरिकामा ३१, समुद्री यात्रामा रहेका ७, जापानमा १२, स्वीट्जरल्याण्डमा ३, बेलायतमा ६, नेदरल्याण्डमा ४, हङ्कङ्गमा ३, अस्ट्रेलियामा ३ जनाको मृत्यु भइसकेको छ । चीन पछि इटाली र इरानमा अत्याधिक मानिसमा संक्रमण देखिएको छ ।