छटपटिएका प्रचण्ड

समाचार टिप्पणी

२८ फाल्गुण, काठमाडौं । “आफु ताक्छु मूढो, बञ्चरो ताक्छ घूँडो” जस्तो भएको छ यतिखेर पुष्पकमल दाहाल ‘प्रचण्ड’का लागि । लामो कसरतपछि केपी ओलीको हातबाट कार्यकारी अध्यक्षको पगरी हत्याएका प्रचण्डको दाउपेच राम्रै चलेको थियो । तर पछिल्लो चरणमा पार्टीभित्र विकसित भएको घटनाक्रमले उनी किंकर्तव्यविमूढ बनेका छन् । ओलीलाई कमजोर बनाउन चलाएको अस्त्र फर्केर आफैंलाई घायल बनाउने संभावना प्रबल भएको छ । संभावित आक्रमणबाट जोगिन कसरी सामना गर्ने भन्ने चिन्ताले प्रचण्ड गलित भएका छन् ।

ओलीसँगको पूर्वसहमति बमोजिम आधा आधा प्रधानमन्त्री बन्ने भद्र सहमति पार्टीको कार्यकारी अध्यक्ष पदसँग साटेका प्रचण्डको छटपटी थपिएको छ । कार्यकारी अध्यक्ष भएपछि पार्टीको डाडूपन्यू आफ्नै हातमा आउने उनको अपेक्षा पानीको फोका बनेपछि उनमा चरम निराशा बढेको छ । त्यसबाट उम्किन उनले चलाएको तिकडम नै अहिले आफ्नै विरुद्ध सोझिएको बुझाई धेरैको रहेको छ । पार्टी भित्रको हालीमूहाली बढाउने चाहनालाई बल पु¥याउन केही त गर्नै प¥यो भन्ने सोच नै अहिले आएर घाँडो बनेको हो ।

सचिवालय बैठकको निर्णय कार्यान्वयन नहुँदा बामदेवलाई भन्दा ठूलो प्रभाव प्रचण्डलाई परेको छ । त्यसैले ओली अस्पताल भर्ना भए यता प्रचण्डसमेत खुमलटारमै सीमित भएका छन् । पार्टीका कुनै कार्यक्रममा उनको सहभागिता छैन । कार्यकारी अध्यक्ष भएको भनिएपनि उनले कुनै बैठक राख्न सकेका छैनन् । पार्टी कार्यालय चकमन्न छ ।

ओलीको चलखेल सरकारमा मात्र सीमित नरही पार्टी पंक्तिमा समेत चुलिएकाले प्रचण्डलाई बेचैनी हुनु स्वभाविक थियो । कार्यकारी अध्यक्ष पदसँग साटेको कार्यकालको कार्यकारी प्रमुख अर्थात प्रधानमन्त्रीको लालच त्याग्नसक्ने अवस्था समेत रहेन । त्यसैले प्रचण्ड कुनै बहाना खोजेर भएपनि ओलीलाई गलाउने ध्याउन्नमा थिए ।

उता, प्रधानमन्त्री ओली पनि प्रचण्डको छिर्के दाउ नबुझ्ने मानिस होइनन् । त्यसैले पार्टीभित्रको पकड अझै बलियो बनाउन सभामुख पदसमेत हत्याउन खोजे । यो प्रकरणमा ओलीले माधव नेपाल र बामदेव गौतमलाई कम आँके । त्यसैको फाइदा उठाउन सफल भए प्रचण्ड । ओलीको बढ्दो प्रभाव रोक्न माधव, झलनाथ र बामदेवलाई उकास्ने काम पनि प्रचण्डले गरे । सबै कुरा बुझ्दा बुझ्दै माधव र झलनाथले प्रचण्डलाई साथ दिए । कारण, थियो ओलीको हेपाहा र मिचाहा सोच ।

त्यसैको फाइदा लिन प्रचण्डले बामदेवलाई वैकल्पिक प्रधानमन्त्रीको ललीपप ख्वाईदिए । अनि उनी तयार भए राष्ट्रियसभामा मनोनित कोटामा जान । यति गर्दा ओलीमाथि घोडा चढ्न पाइन्छ भन्ने सोच प्रचण्डमा पलाएको हो । तर परिस्थिति उल्टो दिशामा हिंड्यो । सचिवालय बैठकले बामदेवलाई राष्ट्रियसभामा लैजान दिएको निर्देशन ओलीले ठाडै अस्वीकार गरिदिए । आफ्ना विरुद्ध ठूलै षडयन्त्र भएको चाल पाएका ओलीले प्रतिकूल परिस्थितिको सामना गर्नुभन्दा मृगौला प्रत्यारोपणमा जान उचित ठाने ।

जो मात्रै ओलीका विश्वासिला ईश्वर पोख्रेलले माधव नेपालसँग भेट गरे । नेपाल निवास कोटेश्वरमा झण्डै डेढ घण्टा भएको वार्तालाप पक्कै चियाकफीमा सीमित थिएन । यस्तै गतसाता ओलीका प्रमुख राजनीतिक सल्लाहकार विष्णु रिमालले समेत नेता नेपालसँग कोटेश्वरमै गएर लामै बात मारे ।

ओलीको यो निर्णय निर्णयले सबैभन्दा ठूलो चोट प्रचण्डलाई परेको छ । सचिवालय बैठकको निर्णय कार्यान्वयन नहुँदा बामदेवलाई भन्दा ठूलो प्रभाव प्रचण्डलाई परेको छ । त्यसैले ओली अस्पताल भर्ना भए यता प्रचण्डसमेत खुमलटारमै सीमित भएका छन् । पार्टीका कुनै कार्यक्रममा उनको सहभागिता छैन । कार्यकारी अध्यक्ष भएको भनिएपनि उनले कुनै बैठक राख्न सकेका छैनन् । पार्टी कार्यालय चकमन्न छ ।

ओली अस्पताल भर्ना भएपछि उनी निकट नेताहरुको सक्रियता बेग्लै किमिमले अघि बढेको प्रतीत हुन्छ । ओली खेमाले अब पार्टी भित्रको पकड बलियो बनाउन बेग्लै रणनीति बनाउन थालेको छ । हिजो प्रचण्डसँग निकट भएर पूर्व एमालेकै नेताहरुको हूर्मत लिने काम गर्दा ठूलै नोक्सानी भएको बुझाई ओली पक्षको रहेको छ । त्यसैले अब भने माधव नेपाल पक्षलाई बिश्वासमा लिएर प्रचण्डलाई भित्तामा पु¥याउने रणनीति बनाउन शुरु भएको छ ।

त्यसैको पछिल्लो श्रृंखलाका रुपमा माधव नेपालसँग ओली पक्षका नेताहरुको बाक्लो भेटघाटलाई लिन सकिन्छ । हिजो मात्रै ओलीका विश्वासिला ईश्वर पोख्रेलले माधव नेपालसँग भेट गरे । नेपाल निवास कोटेश्वरमा झण्डै डेढ घण्टा भएको वार्तालाप पक्कै चियाकफीमा सीमित थिएन । यस्तै गतसाता ओलीका प्रमुख राजनीतिक सल्लाहकार विष्णु रिमालले समेत नेता नेपालसँग कोटेश्वरमै गएर लामै बात मारे ।

यी सबै परिस्थितिलाई जोडेर हेर्ने हो भने नेकपाभित्र अर्काे खिचडी पाक्दै छ भन्ने बुझ्न कठिन छैन । प्रचण्डलाई समेत यसको झनक लागिसकेको छ । त्यसैले अब कसरी अघि बढ्ने भन्नेमा उनको दिमाग खेलिरहेको छ । माधव नेपालले कुनैपनि बेला ओलीलाई साथ दिन सक्छन् भन्ने त्रास प्रचण्डमा पलाएको छ । किनभने ओली पक्षका नेताहरुले विकल्पमा तपाई नै हो भनेर नेपाललाई वचन दिईसकेका छन् । जसले गर्दा प्रचण्डको पछिल्लो मुभ ज्यादै कष्टप्रद सावित हुने अवस्थामा पुगेको छ ।