कोरनाविरुद्ध सर्वदलीय बैठक बस्दै

२८ फागुन, काठमाडौं । कोरोना भाइरसविरुद्ध साझा अभिमत बनाउन सरकारी सकृयता बढाइएको छ । यस प्रयोजनका लागि सरकार सर्वदलीय बैठकको आयोजना गर्दै छ ।

आज अपरान्ह ३ बजे प्रधानमन्त्री कार्यालय सिंहदरवारमा बैठक आयोजना गरिएको छ । सरकारका तर्फबाट उपप्रधान तथा रक्षामन्त्री ईश्वर पोख्रेलले नेतृत्व गर्दै छन् । विश्वव्यापी रुपमा फैलिएको कोरना भाइरसको संभावित जोखिमबाट जोगिन सरकारले सम्पूर्ण एक ढिक्का हुनुपर्ने भन्दै बैठकको आयोजना गरेको हो ।

कोरोनाको त्राश देखाएर बजारमा क्रितृम अभाव सिर्जना गरिएको भन्दै आम नागरिकले गुनासो गरिरहेका छन् । यस्तो बेला सबैको साथ र सहयोगबाट मात्रै कोरनाविरुद्ध लड्न सहज हुने भन्दै सरकारले एकजुट हुन आग्रह गरिरहेको छ । कोरना भाइरस रोकथाम तथा गर्न सरकारद्वारा गठित उच्चस्तरीय समन्वय समितिका संयोजक पनि पोख्रेल नै हुन् ।