हलिवुड अभिनेता टम ह्यान्स र उनकी श्रीमतीलाई कोरोनाको संक्रमण

२९ फागुन एजेन्सी । हलिवुड अभिनेता टम ह्याक्स कोरोना भाइरस ‘कोभिड–१९’बाट सङ्क्रमित भएका छन् ।ह्याक्ससहित उनकी पत्नी रिटा विल्सनमा पनि कोरोना भाइरसको सङ्क्रमण देखिएको हो । आफ्नो ट्विटर एकाउन्टमा अभिनेता टम ह्याक्सले आफू र पत्नी रिटा विल्नसमा कोरोनाको सङ्क्रमण देखिएको बताए ।

टम ह्यान्स हाल एल्भिस प्रेस्लेको जीवनीमा आधारित चलचित्रको काममा व्यस्त छन् । ‘नमस्कार, रीता र म यहाँ अष्ट्रेलियामा छौँ, हामीले केही थकित महसुस गर्‍यौँ, हामीलाई चिसो लागेको थियो र शरीर दुखेको थियो । अलिअलि ज्वरो पनि आएको थियो । त्यसपछि हामीले कोरोना भाइरसको परीक्षण गर्‍यौँ र दुवैजनालाई यसको संक्रमण भएको थाहा भयो’, ह्यान्सले भनेका छन् ।

यस्तै उनले ट्विटरमै आफूहरुले पूर्ण रुपमा स्वास्थ्य लाभ नभएसम्म उपचार र स्वास्थ्यको ख्याल पृथक ढंगले गर्ने पनि बताएका छन् । उनले आफ्नो स्वास्थ्य अवस्थाबारे सामाजिक सञ्जालबाटै जानकारी दिने पनि बताएका छन् ।

अभिनेता ह्याक्स र विल्सन दुवै ६३ वर्षीय हुन् । एल्भिस प्रेस्लेको जीवनमा आधारित फिल्मको छायाँकनको क्रममा ह्याक्स दम्पति अहिले अस्ट्रलियामा छन् ।