ट्याक्सी चालकहरु पछि हटे, टुटल पठाओ सेवा सुचारु

२९ फागुन, काठमाडौं । मोबाइल एपमार्फत भाडामा यात्रु ओसारपसार गर्दै आएका टुटल र पठाओ यथावत् रूपमा सञ्चालन हुने भएको छ । भौतिक पूर्वाधार तथा यातायात मन्त्रालयमा बिहीबार मन्त्री, सचिव विभागीय प्रमुख तथा कानुन शाखाका अधिकारीबीचको अनौपचारिक छलफलपछि टुटल र पठाओलाई यथावत् रूपमा सञ्चालन गर्न दिनेमा निर्णय भएको हो ।

छलफलले उपत्यकाको राइड सेयरिङको नियमन गर्ने विषय प्रदेशअन्तर्गत पर्ने भएकाले राइड सेयरिङ रोक्न नसकिने निष्कर्ष अनौपचारिक निकालेको छ । भौतिक पूर्वाधार तथा यातायातमन्त्री वसन्त नेम्वाङले संविधानले नै सवारी तथा यातायातको नियमनलगायतको काम प्रदेशअन्तर्गत तोकिसकेको र बाग्मती प्रदेशको सवारी यातायातसम्बन्धी ऐनको दफा १३ मा यसबारे स्पष्ट व्यवस्था भएको भन्दै यो नियमन गर्ने वा कसरी सञ्चालन गर्ने भन्ने विषय प्रदेश मातहतको भएको बताए ।

र याे पनि,, टुटल र पठाओको सेवामा फेरि प्रतिबन्ध !

गत मंगलबार नै ट्याक्सी चालकहरुले टुटल र पठाओविरुद्ध कार्यालय घेराउ गरेका थिए । तर विभागको यस्तो प्रतिक्रिया विरुद्ध ट्याक्सी चालकहरुले हारेका छन् । त्यसको २ दिनपछि विभागले बिहीबार साँझ फेरि सूचना जारी गर्दै टुटल पठाओ सेवा उच्च अदालतको आदेश र प्रदेश कानूनअनुसार जनाइएको छ ।

४८ घण्टाअघि ‘अवैध’ भन्दै रोक्न भनिएएको सेवालाई नै विभागले ४० घण्टापछि सांकेतिक रुपमा ‘वैधानिक’ भइसकेको भन्दै ट्याक्सी व्यवसायीको माग अनुरुप रोक्न नसक्ने प्रष्ट्याएकाे छ ।