शैलेश्वरी मन्दिरमा अथिती आवासगृहको शिलान्यास

कर्ण चन्द

१ चैत, डोटी । शैलेश्वरी मन्दिरमा अथिती आवासगृहको शिलान्यास गरीएको छ । सुदुरपश्च्मि प्रदेशका मूख्यमन्त्री त्रिलोचन भट्टले आवासगृहको शिलान्यास गरेका हुन् । शैलेश्वरी मन्दिर खप्तड क्षेत्रको मूख्य प्रबेशको मूख्यद्वार रहेकोले विकाशमा जोड दिनुपर्ने भट्टले बताएका छन् । मन्दिरमा गुणस्तरीय काम गरेमा रकमको अभाब नहुने उनले बएका छन् । प्रदेश सरकारको सहयोगमा ३० लाखको लागतमा सन्तमहन्तहरू बस्नका लागि उक्त भवनको निर्माण गरिएको हो ।

प्रदेश सरकारकै सहयोगमा शैलेश्वरी मन्दिरमा पार्क सहितको बहुउद्देश्यीय भवन निर्माणको काम पनि यसै बर्ष देखी सुरू हुने मूख्यमन्त्री भट्टले बताएका छन् । जनताका बिच गरिएका प्रतिबद्धता पुरा गर्नका लागि प्रदेश सरकार प्रतिबद्ध रहेको उनले बताए ।

यसैबीच मूख्यमन्त्री भट्टलाई शैलेश्वरी क्षेत्र बिकास समिति डोटीले अभिनन्दन समेत गरेको छ । डोटीको प्रसिद्ध शक्तिपिठका रूपमा रहेको शैलेश्वरी क्षेत्रको बिकास तथा प्रबर्द्धनका लागि महत्त्वपूर्ण सहयोग गरेको भन्दै अभिनन्दन कार्यक्रम गरिएको शैलेश्वरी क्षेत्र बिकास समिका अध्यक्ष प्रेम शंकर भट्टले बताएका छन् । शैलेश्वरी तथा डोटीको बिकासका लागि मूख्यमन्त्रीले खेलेको भूमिकालाइ महसुस गरेर उनलाइ समितिले अभिनन्दन गरेको हो ।