स्याङ्जाको फेदिखोला गाँउपालिकामा असिनाले करोडौ क्षति

२ चैत, स्याङ्जा । स्याङ्जाको फेदिखोला गाँउपालिकामा गए राती परेको असिनाले करोडौको क्षती भएको छ ।

असिनाले मौसमी र बेमौसमी तरकारी खेती सगै केही पशुपंक्षीमा समेत क्षती बनाएको गाँउपालिका प्रमुख घनश्याम सुवेदीले जानकारी दिए । गाँउपालिकाको वडा नम्वर १ र ४ मा असिनाले किसानको उव्जनीमा निकै क्षती बनाएको हो । भारी असिनाले सबै सखाप भएपछी किसान निकै चिन्तित बनेको बनेका छन् यस बर्ष गाउँपालिकाले गत बर्षको तुलनामा ३० प्रतिशत उत्पादनमा बृद्धी गर्ने लक्ष्य बोकेको थियो ।

स्थानीय कुमार सुवेदीले संचालन गरेको पोल्र्टी फार्ममा समेत असिनाले क्षती पुर्‍याएको छ । भर्खरै स्थापना गरेको पोल्र्टी फर्ममा असिनाको असरले १२०० कुखुराको चल्लालाई क्षती पुर्‍याएको सुवेदीले बताए । बैदेशिक रोजगारी छाडेर आफ्नै माटोमा केही गर्छु भन्ने उदेश्यले शुरु गरेको पोल्र्टीफार्ममा असिनाले क्षती पुर्‍याएपछि प्राकृतिकले पनि साथ नदिएको उनले गुनासो व्यक्त गरे ।

असिनाले केही बाख्रा मरेको खबर प्राप्त भएको छ । टमाटर, काउली, बन्दा, लसुन र आलुमा ठुलो क्षती भएको छ भने अहिले सम्म करिव ६ करोड भन्दा बढीको क्षती भएको अनुमान गरिएको छ ।