कोरोनाका कारण सार्वजनिक सवारीका रुट इजाजत खुला

६ चैत, काठमाडौं । यातायात व्यवस्था विभागले कोरोना भाइरस ‘कोभिड–१९’ कारण सार्वजनिक सवारीका रुट इजाजत खुला गरेको छ ।

भाइरसको रोकथामका लागि स्कुल कलेज बिदा गरिएपछि गाउँ फर्कनेहरु धेरै भएपछि यातायात व्यवस्था विभागले सार्वजनिक सवारीका रुट इजाजत खुला गरेको हो ।

भाइरसले आम नागरिक आतंकीत भएपछि शुक्रबारदेखि एउटा रुटमा गुड्ने सवारी अर्को रुटमा गुड्न पाउने भएका छन् ।यातायात व्यवस्था विभागले बिहीबार एक सुचना प्रकाशित गर्दै भिड बढ्ने सम्भावनाका कारण सवारीका रुट खुला गरिएको जानकारी दिएको छ ।

योसँगै नयाँ लाइसेन्स र थपको आवेदन बन्द गरिएको छ। तर लाइसेन्स नविकरण कार्य भने खुला राखिने छ ।गाडीमा सिटभन्दा बढी यात्रु चढाउन नपाइने, गाडीमा स्यानीटाइजर अनिवार्य र यात्रुहरुले मास्क अनिवार्य लगाउनुपर्ने विभागले निर्णय गरेको छ।