सेलपे सेवामा रकम स्थानान्तरण नि:शूल्क

१० चैत्र, काठमाडौं । नेपाल राष्ट्र बैंकबाट अनुमति प्राप्त भुक्तानी सेवा प्रदायक सेलकम प्रा. लि. को सेलपे सेवाले हालको स्थितिलाई ध्यानमा राखी भीडभाड र हुलमुल कम गर्नको लागि चैत्र ९, २०७६ देखि बैशाख १८, २०७७ सम्मको लागि रकम स्थानान्तरण सेवा नि:शुल्क उपलब्ध गराउने भएको छ ।

हाल विश्वभरी फैलिदै गरेको कोरोना भाईरस (कोविड १९) को संक्रमणबाट बच्नको लागि सरकारबाट कुनैपनि प्रकारको भीडभाड र हुलमुल नगर्न सुझाव आएको हुँदा, सेलपेका ग्राहकहरुले सेलपे एप्पबाट आफ्नो घरमै बसी सरल र सहज माध्यमबाट वास्तविक समयमा कुनैपनि सेलपेमा आबद्ध भएका बैंकहरुका ग्राहकलाई रकम स्थानान्तरण गर्दा कुनै पनि सेवा शूल्क नलाग्ने ब्यवस्था मिलाईएका सेलपेले जनाएको छ ।