काठमाडौंमा एक व्यक्तिमा भेटियो कोरोना पोजेटिभ

१० चैत्र काठमाडौं । फ्रान्सबाट कतार हुँदै शुक्रबार नेपाल आएकी एक व्यक्तिमा कोरोना भाइरस पोजेटिभ देखिएको छ ।उनी ४ चैतमा काठमाडौ आएकी १९ बर्षिय युवती हुन् ।

शुक्रराज ट्रपिकल तथा सरुवा रोग अस्पतालमा जाँच गर्दा उनमा कोभिड–१९ पोजेटिभ देखिएको स्वास्थ्य तथा जनसङ्ख्या मन्त्रालयका प्रवक्ता विकास देवकोटाले जानकारी दिए । १९ वर्षीय एक युवतीमा कोरोनाभाइरसको संक्रमण देखिएको र अहिले उनलाई टेकु स्थित शुक्रराज ट्रपिकल तथा सरुवा रोग अस्पतालमा राखिएको मन्त्री भानुभक्त ढकालले जानकारी दिए । उनीसँगै जहाजमा आएकाहरुको खोजी भइरहेको पनि मन्त्री ढकालले बताए ।

यसअघि चीनबाट आएका एक नेपालीमा कोरोनाभाइरसको संक्रमण देखिएको थियो । उनी भने उपचारपछि स्वस्थ भइसकेका छन् ।