‘लकडाउन’ पछिका २६ तस्वीर हेर्नुस

११ चैत्र, काठमाडौं । सरकारले देशैभर गरेको लकडाउनका कारण मंगलबार बिहानैबाट मुख्य बजार क्षेत्र सुनसान बनेका छन् । कुन ठाउँमा कस्तो रह्यो लकडाउनको अवस्था भनेर हामीले तस्वीरमार्फत देखाएका छौं ।

शुरुमा लागौं लुम्बिनीमा, सरकारले घोषणाा गरेको लकडाउन अनुसार सीमावर्ती शहर भैरहवा यतिबेला सुनसान छ । बिहानैदेखि भीडभाड हुने यहाँका मुख्य बजारहरु बैंकरोड, नारयणस्थान, हाटबजार, देवकोटाचोक, मिलनचोक, गल्लामन्डी, एअरपोर्ट क्षेत्र पुरै सुनसान छ । यहाँका सडकमा कुनैपनि सवारिसाधन चलेका छैनन् ।

नेपाल–भारत सीमा सुनौलीदेखि तीन किलोमिटर दूरीमा रहेको भैरहवामा लकडाउनलाई स्थानीयहरुले पूर्णपालना गर्दै आ–आफ्नो घरभित्र बसिरहेका छन् । नोभल कोरोना भाइरसको सङ्क्रमण फैलिन नदिन सरकारले घोषणाा गरेको लकडाउन अनुसार यतिबेला भैरहवामा मान्छेहरु कहि कतैपनि देखिएका छैनन् ।

विश्वभर फैलिएको कोरोना भाइरस ‘कोभिड–१९’ को संक्रमण न्यूनीकरण गर्न सरकारले मङ्गलबारदेखि गरेको ‘लकडाउन’ पछि नागढुङ्गा भई काठमाडौं उपत्यका प्रवेश गर्ने सवारीसाधनलाई कडाइ गर्दै सुरक्षाकर्मी ।

विश्वभर फैलिएको कोरोना भाइरस ‘कोभिड–१९’ को संक्रमण न्यूनीकरण गर्न सरकारले मङ्गलबारदेखि गरेको ‘लक डाउन’ का कारण सुनसान कलङ्कीबाट उपत्यका बाहिर जाने सडक क्षेत्र ।

विश्वभर फैलिएको कोरोना भाइरस (कोभिड–१९) को संक्रमण न्यूनीकरण गर्न सरकारले मङ्गलबारदेखि गरेको ‘लक डाउन’ का कारण सुुनसान कलङ्कीदेखि स्वयम्भूसम्मको सडक क्षेत्र ।

विश्वभर फैलिएको कोरोना भाइरस (कोभिड–१९) को संक्रमण न्यूनीकरण गर्न सरकारले मङ्गलबारदेखि गरेको ‘लक डाउन’ का कारण सुुनसान पृथ्वी राजमार्ग, मनकामना केवलकार स्टेशन बजार क्षेत्र ।

विश्वव्यापीरुपमा फैलिएको कोरोना (कोविड–१९) भाइरसको सङ्क्रमणका कारण सरकारले मङ्गलबारबाट गरिएको लकडाउनका कारण सुनसान भएको सिंहदरबारको तस्वीर खिच्दै मित्रराष्ट्र चीनका पत्रकार ।

विश्वव्यापी रुपमा फैलिएको कोरोना (कोविड-१९) भाइरसको संक्रमणका कारण नेपाल सरकारले मंगलबारबाट गरिएको लकडाउनका कारण सुनसान न्यूरोड सडक ।

विश्वभर फैलिएको कोरोना भाइरस (कोभिड १९) संक्रमणको जोखिम कम गर्न सरकारले आह्वान गरेको लकडाउनको पहिलो दिन सधैं भरिभराउ हुने जनकपुरस्थित जानकी मन्दिर सुनसान देखिएको अवस्था ।

विश्वभर फैलिएको कोरोना भाइरस (कोभिड १९) सङ्क्रमणको जोखिम कम गर्न सरकारले आह्वान गरेको लकडाउनको पहिलो दिन बिहान केहीबेर जनकपुरमा छिटपुट रुपमा सञ्चालनमा रहेका मोटरसाइकल प्रहरीले राेकेकाे छ।  जनकपुरको जिरोमाइलबाट प्रहरीले पचास भन्दा बढी मोटरसाइकल नियन्त्रणमा लिएको छ । कोरोनाबाट यसैगरी जबरजस्ती मोटरसाइकल चलाउन खोज्ने दुई जनालाई पक्राउसमेत गरेकाे छ ।

कोरोना भाइरस (कोभिड–१९) को सम्भावित जोखिमबाट बच्न सरकारले देशैभरी लकडाउन गरेपछि मङ्गलबार सुनसान बनेको अरनिको राजमार्गस्थित बनेपा चारदोबाटो चोक ।

सरकारले लकडाउन गरेसँगै चरिकोट बजार सुनसान बनेको छ । अतिआवश्यक सवारी बाहेक सामान्य हिडडुल गर्नसमेत प्रशासनले रोक लगाएको छ ।

कोरोना भाइरस (कोभिड–१९) को सम्भावित जोखिमबाट बच्न सरकारले देशैभरी लकडाउन गरेपनि अटेर गरी चलाउने सवारी साधनलाई रोक्न मङ्गलबार बिहान अरनिको राजमार्गस्थित बनेपा पुलबजारमा डिभाइडर राखेर सडक बन्द गर्दै प्रहरी ।

सरकारले कोभिड–१९ को सङ्क्रमण रोकथामका लागि लकडाउन गरेपछि काठमाडौँको तीनकुने गौशाला क्षेत्रको सुनसान सडक ।

सरकारले कोभिड–१९ को सङ्क्रमण रोकथामका लागि लकडाउन गरेपछि सडकमा अनुमतिपत्र नलिई गुडेका सवारी साधनलाई चेकिङ्ग गर्दे ट्राफिक प्रहरी ।

सरकारले कोभिड–१९ को सङ्क्रमण रोकथामका लागि लकडाउन गरेपछि सुनसान त्रिभुवन अन्तरराष्ट्रिय विमानस्थल ।

सरकारले कोभिड–१९ को सङ्क्रमण रोकथामका लागि लकडाउन गरेपछि सुनसान काठमाडौँको कोटेश्वर चोक ।

सरकारले कोभिड–१९ को सङ्क्रमण रोकथामका लागि लकडाउन गरेपछि सुनसान काठमाडौँ र भक्तपुरको जोड्ने जडिबुटी चोक ।

पोखरा महानगरपालिका–६ बाट सराङकोटको तल्लो भेगमा देखिएको फेवाताल र पोखरा शहर । कोरोना सङ्क्रमण रोक्न सरकारले लकडाउन गरेपछि यतिबेला शहर सुनसान भएको छ भने शहरका मान्छे गाउँतिर गएका छन् ।

कोरोना भाइरस (कोभिड–१९) बाट जोगिनका लागि सर्वसाधारणलाई माइकबाट घरबाहिर नआउन आग्रह गर्दै नेपाल प्रहरी । सातवटा स्थानीय तहमा माइकबाट घरबाहिर नआउन आग्रह गरिएको छ ।

तस्वीर : रासस