टिकट लिएर पनि जहाज नउडेपछि सुत्केरी र वृद्धवृद्धा विमानस्थलमै अलपत्र

१२ चैत, बाँके । बाँकेबाट घर हिँडेका डोल्पावासी नेपालगञ्ज विमानस्थलमा अलपत्र परेका छन् । सरकारले मंगलवारदेखि देशभर ‘लकडाउन’ गरेपछि वृद्धवृद्धा, सुत्केरी, विद्यार्थी र सर्वसाधारण विमानस्थलमै रोकिएका हुन् । डोल्पाका लागि जहाज नउडेपछि टिकट लिएका करीब ५० जना नेपालगञ्ज विमानस्थलमा अलपत्र परेका हुन् ।

टिकट लिएर पनि जहाज नउडेपछि नेपालगञ्जका होटेलमै बस्नुपरेको काइके गाउँपालिकाका वडाध्यक्ष राजु रोकायले बताए । अझै एकसाता बस्नुपरे आफूहरू खर्च सकिएर अलपत्र पर्ने उनीहरुको गुनासो छ । विमानस्थलमा अलपत्र पर्ने अघिकांश उपल्लो डोल्पाका नागरिक रहेका छन् ।