प्रधानमन्त्री ओली अस्पताल भर्ना !

१४ चैत्र, काठमाडौं । प्रधानमन्त्री केपी शर्मा ओलीलाई अस्पताल भर्ना गरिएको छ । बिहीबार राति नै प्रधानमन्त्रीकाे मुटुकाे धड्कन बढ्ने समस्या देखिएकाे हुनाले मनमाेहन सेन्टर महाराजगंजमा भर्ना गरिएकाे हाे ।

प्रधानमन्त्री प्रेस सल्लाहकार सुर्य थापाका अनुसार  प्रधानमन्त्री ओलीलाई अहिले मनमोहन कार्डियोथेरासिक भास्कुलर एण्ड ट्रान्सप्लाण्ट सेन्टरमा राखिएको छ । उनका निजी चिकित्सक प्रा डा दिव्यासिंह शाहले प्रधानमन्त्रीकाे स्वास्थ्य अवस्था अहिले सामान्य भइसकेकाे हुनाले आजै डिस्चार्ज गरिने बताइन ।

यसैबीच, त्रिबि चिकित्सा शास्त्र अध्ययान सस्थान मनमोहन कार्डियोथोरासिक भास्कुलर तथा ट्रान्सप्लान्ट सेन्टर महाराजगन्ज हस्पिटलमा 1st floor Ccu vip कक्षमा राखिएका प्रधानमन्त्री केपी शर्मा ओलिको स्वास्थ्य अवस्था वुझनको लागि स्वास्थ्य मन्त्री भानु भक्त ढकाल केही अघि अस्पताल पुगेका छन् ।

यसअघि गएको फागुन २१ गते दोस्रो पटक मिर्गौला प्रत्यारोपण गरेपछि ओलीलाई ३० गते अस्पतालबाट सरकारी निवास बालुवाटार फर्काइएको थियो ।