पेस्तोल पड्किँदा स्याङ्जामा प्रहरी हवलदारको मृत्यु

१४ चैत्र, स्याङ्जा । स्याङ्जाको हरिनास गाउँपालिकामा रहेको इलाका प्रहरी कार्यालयमा कार्यरत प्रहरी हवलदार रविन्द्र पौडेलको पेस्तोल पड्किँदा मृत्यु भएको छ ।

दिनभरीको डियुटीपश्चात् हतियार थन्काउने क्रममा अचानक पड्किँदा घाइते भएका पौडेलको उपचारको क्रममा मृत्यु भएको प्रमुख जिल्ला अधिकारी रामबहादुर कुरुम्वाङले जानकारी दिए ।

गोलि लागेर उपचारको लागि मणिपाल अस्पताल पोखरा लगिए पनि डाक्टरले उनलाई मृत्यु भएको घोषण गरेका थिए । घटनाकाे विषयमा थप अनुसन्धान भइरहेको प्रजिअ कुरुम्बाङले बताए । लास हाल पोखरा मणिपाल अस्पतालमै रहेको पनि उनले जानकारी दिए ।