कोरोना अस्पताल रुपन्देहीमा एक युवकको मृत्यु, स्वाब परीक्षण रिपोर्ट आउन बाँकी

१६ चैत, बुटवल । कोरोना भाइरस उपचार विशेष अस्पताल रुपन्देहीमा एक युवकको मृत्यु भएको छ । कोरोना विशेष अस्पतालमा उपचाररत पाल्पा स्थायी घर भएका ३४ वर्षका युवकको मृत्यु भएको लुम्बिनी प्रादेशिक अस्पतालका अध्यक्ष सूर्यबहादुर भट्टराईले बताएका छन्। उनको स्वाब आज मात्र परीक्षणका लागि काठमाडौं पठाएको कोरोना विशेष अस्पतालका फोकल पर्सन डा. सुदर्शन थापाले जानकारी दिए ।

स्वाब परीक्षणका लागि काठमाडौं पठाए पनि रिपोर्ट नआएको बताइएको छ । ज्वरो आएपछि स्थानीय मेडिकल हलमा चेकजाँच गराएका उनलाई चैत १३ गते लुम्बिनी प्रादेशिक अस्पताल अन्तर्गतको कोरोना विशेष अस्थायी अस्पतालमा भर्ना गरिएको थियो ।

ति युवा चैत ६ गते संयुक्त अरब इमिरेट्स (युएई) बाट काठमाडौं आएका उनी चैत ७ गते बस चढेर रुपन्देहीको सैनामैना आएका थिए ।