पिपलपानीमा एक चितुवा मृतावस्थामा फेला

१६ चैत, तनहुँ । भानु नगरपालिकाका–९पुर्कोटको पिपलपानीमा आज एक चितुवा मृतावस्थामा फेला परेको छ । मृत जनावर पोथी चितुवा रहेको डिभिजन वन कार्यालय तनहुँका डिभिजन प्रमुख केदार बरालले जानकारी दिएका छन् ।

करीब दुई वर्ष उमेरको उक्त चितुवाको तौल २० केजी रहेको उनले बताएका छन् । मृत चितुवालाई वन कार्यालय टोलीले ल्याई डिभिजन वन कार्यालय परिसरमा गाडिएको छ ।