भ्रष्टाचारी मन्त्री राजीनामा दे !

सम्पादकीय

१९ चैत्र, काठमाडौं । मुलुक जब जब संकटमा पर्छ, जनता एकजुट हुन्छन् । हाम्रा पुस्ताले नै दुईदुई पटक यस्तो निर्मम अवस्था बेहोरिसक्यो । एउटा ०७२ को महाभूकम्प अनि दोस्रो अहिलेको कोरोना कहर । संकटका बेला एक भएर सामना गर्नैपर्छ, त्यो नेपालीको पुरानै पहिचान हो ।

यद्यपि अहिले कोरोना भाइरसको चपेटामा सिंगो विश्व फसेको छ । त्यसैले विश्व नै कोरोना भाइरसविरुद्ध एकताबद्ध ढंगले सामना गरिरहेको छ । भाइरसले न चिनियाँलाई माया ग¥यो, न इटालियनलाई । न त अमेरिकीसँग त्यो भाइरस डराएको छ, बरु अमेरिकन नै अहिले त्राहीमामको अवस्थामा पुगेका छन् । नेपाल त्यसैपनि कमजोर अनि निरीह । तर यही डरका बीच नेपाली नेताहरु भने गज्जबको चक्रव्यूह रच्न सक्ने भएका छन् ।

पहिल्यै सेटिङ मिलाएकोले सबै कुरा फटाफट भए । यति गर्दा पनि संकटका बेला लौ न त अलि बढी पैसा तिर्न प¥यो होला भनेर चित्त बुझाउन सकिन्थ्यो । तर विश्व स्वास्थ्य संगठनले नै मान्यता नदिएको बेकामे परीक्षण किट ल्याइयो । त्यसमा सर्वत्रबाट प्रश्न उठे ।

राजनीतिक नेतृत्वमा रहेको वर्गले कोरोना संक्रमणलाई कमाउने मौका बनायो । कोरोनाविरुद्ध आवश्यक स्वास्थ्य उपकरणको चरम अभाव सिर्जना गरेर महंगोमा किन्ने वातावरण बनायो । संकटका नाममा जे पनि गर्न छुट हुन्छ भन्ने मानसिकता देखियो स्वास्थ्यका पदाधिकारीमा । समयमै सबै काम गरेको भए न भ्रष्टाचारको आरोप नै खेप्नुपथ्र्याे , न कमसल सामान आउँथे ।

सरकारले विगतमा कहिल्यै स्वास्थ्य उपकरणको काम नगरेको एउटा सप्लायर्सलाई चीनबाट औषधि र उपकरण ल्याउने ठेक्का दियो । त्यो पनि २४ घण्टे म्याद दिएर । वर्षाै यही क्षेत्रमा काम गर्ने सप्लायर्सले समेत यति छोटो अवधिमा ल्याउन नसक्ने सामान कसरी आयो ? आफैंमा शंकास्पद छ । अझ बजार मूल्यभन्दा चार पाँच गुणा बढी दररेटमा । स्वभाविक छ, पहिल्यै सेटिङ मिलाएकोले सबै कुरा फटाफट भए । यति गर्दा पनि संकटका बेला लौ न त अलि बढी पैसा तिर्न प¥यो होला भनेर चित्त बुझाउन सकिन्थ्यो । तर विश्व स्वास्थ्य संगठनले नै मान्यता नदिएको बेकामे परीक्षण किट ल्याइयो । त्यसमा सर्वत्रबाट प्रश्न उठे ।

तर स्वास्थ्यका पदाधिकारी आफ्नै लिंढे ढिपीमा छन् । मानी लिउँ संकटका बेला उनीहरुले देश र जनताका लागि ठूलै गुण लगाए । उल्टो संकटका बेलासमेत सञ्चारमाध्यमले असहयोग गरेको आरोप उनीहरु नै लगाउँदै छन् । स्वास्थ्यका पदाधिकारीले गरेका जस्तासुकै बदमासीलाई नेपाली जनताले आँखा चिम्लिदिनुपर्ने उनीहरुको अपेक्षा देखिन्छ ।

लोकतन्त्रमा यस्तो कीमार्थ हुन सक्दैन । हिजो राजनीतिक दलका नेतालाई जनताले साथ नदिंदा पत्रकार नै निरंकुशता विरुद्ध सडकमा ओर्लिएको वास्तविकता बिर्सिहाल्ने अवस्था आइसकेको छैन । यसरी लुट मच्चाउने छुट दिनका लागि वा मूकदर्शक हुनका लागि पत्रकार सडकमा ओर्लिएका होइनन् । त्यसैले पत्रकारले सत्यको पक्षमा निडर भएर कलम चलाउँछन्, खबरदारी गर्छन्, हेक्का रहोस् ।

नेपालमा अहिलेसम्म साम्यवाद आएको छैन भन्ने पनि मन्त्री ढकाललगायतले स्मरण गरुन् । वाइडबडी,बालुवाटारको जग्गा वा सेक्युरिटी प्रिन्टिङ प्रेस प्रकरण जस्तै अर्काे काण्ड रचिएको छ । तर पत्रकारको कलम रोकिन्न । खबरदार यस्ता काण्डको भण्डाफोर हुने छ, गरिने छ । यस्ता भ्रष्ट मन्त्रीको बचाउ गर्ने केपी ओली र नेकपा पनि दोषी हो । भ्रष्ट मन्त्रीलाई तत्काल हटाउ ।

दुई महिना अगाडि नै पहिलो केस फेला परेको थियो कोरोनाको नेपालमा । चीनको बुहानबाट आएका एक नेपाली विद्यार्थीमा माघ महिनामा नै कोरोना संक्रमण फेला परिसकेको थियो । विस्तारै युरोपमा कोरोना संक्रमणले तहल्का मच्चाएपछि नेपालका नेता र प्रशासकहरुलाई पनि यसको भनक लागिसकेको थियो । तर उनीहरुले यो संकटलाई कमाउने अवसरका रुपमा प्रयोग गर्न चाहे । त्यसैले गएको दुई महिना कानमा तेल हालेर बसे उनीहरु । खासगरी स्वास्थ्य मन्त्रालयको नेतृत्व गर्ने मन्त्री भानुभक्त ढकाल र मन्त्रालयका पदाधिकारी ।

हाक्काहाक्की भ्रष्ट्राचार भएको सप्रमाण फेला पर्दासमेत पत्रकार चूप लागेर बस्नुपर्ने बढो गज्जबको सोच देखिन्छ स्वास्थ्य पदाधिकारीको । विश्व स्वास्थ्य संगठनले भरपर्दाे छैन भन्दा भन्दै ल्याइएको ¥यापिट टेष्टिङ किट के का लागि ? यसको चित्तबुझ्दो जवाफ न त मन्त्रीले दिएका छन् न स्वास्थ्य मन्त्रालयका पदाधिकारीले नै । यो वर्ग त अब कसैलाई जवाफै दिन नपर्ने ठान्दै छ ।

तर नेपाली सञ्चारमाध्यम त्यो गुन लगाउने र छुट दिने पक्षमा अब छैन भन्ने हेक्का राखियोस् । कम्युनिष्ट पार्टीको सरकार भएपनि नेपालमा अहिलेसम्म साम्यवाद आएको छैन भन्ने पनि मन्त्री ढकाललगायतले स्मरण गरुन् । वाइडबडी,बालुवाटारको जग्गा वा सेक्युरिटी प्रिन्टिङ प्रेस प्रकरण जस्तै अर्काे काण्ड रचिएको छ । तर पत्रकारको कलम रोकिन्न । खबरदार यस्ता काण्डको भण्डाफोर हुने छ, गरिने छ । यस्ता भ्रष्ट मन्त्रीको बचाउ गर्ने केपी ओली र नेकपा पनि दोषी हो । भ्रष्ट मन्त्रीलाई तत्काल हटाउ । या त आफै सरकारको नेतृत्वबाट हट ।