मुस्किलमा परेका दिनदुखीहरुलाई सहयोग गरेर मनाउँ चैत्र २६ गते : पूर्व मन्त्री जोशी

२५ चैत, काठमाडौं । काठमाडौ नेपाली काङ्ग्रेसका केन्द्रीय सदस्य तथा पूर्व मन्त्री नविन्द्रराज जोशीले चैत्र २६ अर्थात् २०४६ सालमा प्रजातन्त्र पुनर्स्थापना भएको दिन अर्थात् प्रजातन्त्र पुनर्स्थापना दिवसका अवसरमा लोकतान्त्रिक व्यवस्था मान्ने तथा यसका अनुयायी हरुले दिनदुखी र दैनिकी गुजारा गर्न मुस्किल परेकाहरुलाई सहयोग गरेर प्रजातन्त्र पुनर्स्थापना दिवस मनाउन आग्रह गरेका छन् ।

आह्वान पत्र सार्वजनिक गर्दै जोशीले प्रजातन्त्र पुनर्स्थापनाका सर्वोच्च कमान्डर ,वीर ,लौहपुरुष गणेशमान सिंहले परोपकार र निस्वार्थ सेवानै राजनीतिकर्मीको धर्म हो त्यो धर्म सबैले पालना गर्नुपर्ने बताएका छन् । उनले गणेशमान सिंहको वचनलाई चिरायुत्व दिन यो कार्यका थालनी गरिएको बताएका छन् । जोशी णेशमान सिंह अध्ययन प्रतिष्ठानका अध्यक्ष समेत रहेका हुन् ।

साथै कोरना बिरुद्ध लड्न सामाजिक दूरी कायम गर्दै ,सरकार र विश्वस्वास्थ्य संगठनका आचारसंहिता पालना गर्न समेत आह्वान गरेका छन् ।